Kosova e Shqipëria po e përbashkojnë tregun e energjisë elektrike.

Bursa “AlPEX” do të fillojë së funksionuari këtë vit, e që pritet të sjell risi në shitblerje të rrymës te të dyja vendeve.

Aksionar nga Kosova është Operatori i Tregut KOSTT me 43%, ndërsa OST-i i Shqipërisë ka 53%.

Kryesuesi i bordit të KOSTT, Jeton Mehmeti, thotë se ALPEX do të ndihmojë në zhvillimin e tregut të energjisë elektrike në të dyja vendet, rrit konkurrueshmërinë dhe vendos çmime më të favorshme për konsumatorët.

Kjo nismë po pritet mjaft mirë edhe në shtetin shqiptar. Njohësi i energjisë, Azmer Duleviq, këtë marrëveshje e cilëson si “ëin-ëin” sepse përfitojnë të dyja vendet. Sipas tij, përmes bursës pritet të stabilizohen luhatjet e mëdha kur ka nevojë për blerje të rrymës.

Tashmë është hartuar edhe korniza rregullative, ndërsa sipas kryesuesit të bordit të KOSTT, Jeton Mehmeti, fillimi i bursës ndahet në dy etapa.

“Parashikimet për funksionalizimin e ALPEX për tregun e Shqipërisë janë në tremujorin e dytë të vitit 2023 ndërsa bashkimi i tregjeve Shqipëri dhe Kosovës është për tremujorin e tretë të këtij viti”, shton Mehmeti.

Sfidë fillestare mbetet përvoja, mirëpo Duleviq, thotë se do të ketë nga Greqia për transaksionet e para dhe trajnimin e stafit.

Alpex do të mundësojë tregtimin e rrymës brenda ditës, apo një ditë para, mes Kosovës dhe Shqipërisë, mirëpo plani afatgjatë është edhe zgjerimi në tregje tjera të rajonit.

Me funksionalizimin e tregut të përbashkët ndërmjet Kosovës dhe Shqipërisë, ALPEX do të bëjë:

a) organizimin dhe zhvillimin e tregut të organizuar të energjisë elektrike, në bashkëpunim me Operatorin e Sistemit të Transmetimit;

b) organizimin e ankandeve të shitblerjes së energjisë elektrike dhe pranimin e ofertave për shitje dhe ofertave për blerjen e energjisë elektrike në kushtet e tregut të organizuar;

c) vendosjen e çmimeve të tregut të tregjeve të organizuara, për çdo periudhë kohore të specifikuar, dhe njoftimin e të gjitha palëve për detyrimet reciproke;

d) njoftimin e rezultateve të tregut të organizuar dhe informacioneve të tjera në lidhje me tregun e energjisë elektrike për pjesëmarrësit në tregun e energjisë elektrike dhe Operatorin e Sistemit të Transmetimit;

e) menaxhimin e procesit të shlyerjes financiare përfundimtare dhe faturimit në tregun e organizuar të energjisë elektrike.

Lansohet aplikacioni më i ri i lojalitetit që sjell t’mira pafund Kartela Plus!

Sponsoruar