Lajme

Çitaku: Asociacioni të themelohet sipas vendimit të Kushtetueses, as më pak as më shumë

Autori: Gazeta inFokus 22:45 | 12 November 2022

Vlora Çitaku, nënkryetare e PDK-së, lidhur me Asociacionin ka thënë se ai duhet të formohet bazuar në vendimin e Gjykatës Kushtetuese.

“Në këtë pikë, ne nuk jemi si kryeministri Albin Kurti që i ndryshon qëndrimet, ne jemi konsistent. PDK beson që Asociacioni duhet të formohet bazuar në vendimin e Gjykatës Kushtetuese. As më pak e as më shumë. Ajo çfarë duhet të kemi kujdes është krijimi i ndonjë mekanizmi që do të krijonte një nivel të tretë apo të ndërmjetëm të pushtet”, ka deklaruar ajo.

Çitaku, vlerëson se tensionet aktuale e kanë kthyer gjendjen në veri më shumë se një dekadë prapa.

-Advertisement-

Çitaku, duke u thirrur në çështjen e targave, vendimin për të cilën kryeministri Kurti vazhdon të këmbëngul se nuk do ta shtyjë, ka thënë se Kosova duhet të koordinohet me miqtë e saj, pasi “nuk e ka luksin të humb aleanca”.

“Gjendja në veri është kthyer më shumë se 1 dekadë prapa. Çdoherë duhet të koordinohet me miqtë, është dashur të ndiqet këshilla e tyre për targat deri në arritjen e marrëveshjes finale. Kosova nuk e ka luksin të humbë aleancë, përkundrazi duhet t’i fuqizojë ato dhe të krijojë aleanca të reja”, ka thënë ajo për Gazetën Blic.

Tutje, ajo ka theksuar se kryeministri Kurti duhet të jetë më i kujdesshëm në raport me ShBA’në, dhe se bashkëpunimi me ta nuk është nënshtrim.

“Shpresoj që kryeministri Kurti të bëhet më u kujdesshëm. Bashkëpunimi me SHBA-të nuk është nënshtrim. Kurti nuk e përfaqëson vetëm vetveten dhe vetëm partinë e tij por të gjithë qytetarët e Kosovës”, ka thënë ajo.

Subscribe në YouTube: GAZETA INFOKUSI
BKT Kosova vlerësohet për herë të katërt "Banka e Vitit 2024 në Kosovë" nga The Banker
-Advertisement-

Të tjera

Fokusi

lajme