Lajme

Cili është më bashkëpunues, Kurti apo Vuçiqi? – Hill qeshet dhe jep një deklaratë interesantte

Autori: Gazeta inFokus 23:13 | 01 February 2023

Ambasadori amerikan në Beograd, Christopher Hill ka thënë se Serbia tashmë ka bërë zgjedhjen e saj, duke zgjedhur Perëndimin para Rusisë. Sipas Hill, lidhjet e Serbisë me Rusisë po dobësohen ditë për ditë.

Kur është pyetur nga gazetarja e televizionit N1 në Serbi, se cili është më bashkëpunues, kryeministri i Kosovës Albin Kurti apo presidenti serb Aleksandar Vuçiq, ambasadori amerikan ka qeshur.

Ai, më pas ka thënë se po të përgjigjej në këtë pyetje nuk do ta ndihmonte procesin negociues.

-Advertisement-

“Nëse duke iu përgjigjur kësaj pyetjeje do t’i ndihmonte procesit negociator, do të përgjigjesha, por po ia lë imagjinatës suaj”, ka thënë Hill,

Ai ka theksuar se prokupimi kryesor për përmbushjen e Marrëveshjeve të Brukselit, është themelimi i Asociacionit të Komunave me shumicë serbe.

“Mendoj se ka nevoje urgjente që secili të pajtohet në këtë cështje dhe ta kuptojë se kur zotoheni për diçka, duhet ta respektoni”, ka thënë tutje ai.

Sipas Hillit, Serbia tashmë ka vendosur që të kthehet drejt Perëndimit.

“Serbia tashmë ka vendosur që të kthehet kah Perëndimi, dhe mendoj se kjo është frustruese për shumë serbë që ky proces po zgjat kaq shumë”, ka thënë ai.

Hill ke deklaruar se pala serbe i është qasur me konstruktivitet planit evropian për normalizimin e marrëdhënieve me Kosovën.

Subscribe në YouTube: GAZETA INFOKUSI
Comodita Home nis epokën e franshizës në Belgjikë
-Advertisement-

Të tjera

Fokusi

lajme