Lajme

Cili është dënimi më i madh që SHBA-ja mund t’i bëjë Kosovës, sipas Pecit

Autori: Gazeta inFokus 09:06 | 13 November 2022

Drejtori i KIPRED-it, Lulzim Peci, ka komentuar kundërshtimin e Qeverisë së Kosovës lidhur me kërkesën e SHBA-ve për zgjatjen e afatit për targat ilegale.

Eksperti i çështjeve të sigurisë, përmes një postimi në Facebook, ka thënë se dënimi më i madh që mundet t’i bëjnë SHBA-ja shtetit tonë është të na thonë “bëni si të doni vet, dhe unë po tërhiqem”.

”Shikojeni se çfarë i kemi bë vetes që nga kundërshtimi i demarkacionit me Malin e Zi deri me tani. Në vend se të ecim përpara, ne e zgjodhëm të bëjmë si të dojmë vetëm ne, dhe ja ku jemi, si vendi më i izoluar në Evropë. Mos të harrojmë se vet Presidenti Biden asokohe si nën-President i SHBA-ve personalisht është angazhuar që të mbledhim mend, por ne me një krenari të injorantit vazhduam me tonën,” ka shkruar ai.

-Advertisement-

Siç thotë ai, në marrëdhëniet ndërkombëtare mos kompromisi është armiku më i madh i më të mirës së mundshme. Ndërkaq, përmend dy nga ngjarjet më historike për Kosovën marrëveshjen e Rambujesë dhe planin e Ahtisaarit.

”Plus ky argumenti se është kundërshtuar Rambujeja dhe plani i Ahtisarit qe e solli pavarësinë e Kosovës, pasi është kërkuar më e mira, më se paku që mund të thuhet është infantil. Cilat kanë qenë alterativat e kundërshtimit si të Rambujesë dhe Ahtisarit? Padyshim se ato do ishin mos- intervenimi i NATO-s dhe mospavarësimi i Kosovës”.

“Dëshira për të kërkuar më të mirën e dëshiruar por të pamundshme, që nënkupton mos- kompromisin, në marrëdhëniet ndërkombëtare bëhet armiku më i madh i më të mirës se mundshme,” përfundoi ai.

Subscribe në YouTube: GAZETA INFOKUSI