Lajme

Chollet takohet me Lajçakun, flasin për dialogun dhe integrimin e Ballkanit në BE

Autori: Gazeta inFokus 16:36 | 04 April 2023

Këshilltari i lartë i Departamentit amerikan të Shtetit, Derek Chollet, është takuar me përfaqësuesin e lartë të Bashkimit Evropian për dialogun Kosovë-Serbi, Miroslav Lajçak, me të cilin ka diskutuar lidhur me procesin e bisedimeve mes dy vendeve.

Teksa ka njoftuar për takimin, Chollet ka thënë se kanë folur edhe për mbështetjen e SHBA-së për dialogun si dhe përkushtimin e përbashkët për të mbështetur rrugën e Ballkanit Perëndimor drejt integrimit në BE.

“U kënaqa duke biseduar me Përfaqësuesin Special të BE-së, Miroslav Lajcak për mbështetjen tonë të fortë për dialogun e udhëhequr nga BE-ja ndërmjet Kosovës dhe Serbisë si dhe përkushtimin e përbashkët për të mbështetur rrugën e Ballkanit Perëndimor drejt integrimit në BE”, ka shkruar ai në rrjetin social Twitter.

-Advertisement-

Enjoyed speaking with EU Special Representative @MiroslavLajcak about our strong support for the EU-led dialogue between Kosovo and Serbia and shared commitment to supporting the Western Balkans’ path toward EU integration. pic.twitter.com/JXUTbXUILp

— Derek Chollet (@CounselorDOS) April 4, 2023

Ndryshe, Lajçak të martën ka pritur në takime të ndara në Bruksel edhe kryenegociatorët e Kosovës dhe Serbisë, Besnik Bislimin dhe Petar Petkoviqin.

Përmes një postimi në Twitter, ai ka thënë se tashmë është duke pritur një takim në kuadër të dialogut, në nivel të negociatorëve për të diskutuar për marrëveshjen drejt normalizimit të raporteve mes dy vendeve si dhe çështjet aktuale urgjente.

“Sot mirëpres takimin në Bruksel në nivel të kryenegociatorëve për të diskutuar zbatimin e Marrëveshjes për rrugën drejt normalizimit (të raporteve) dhe çështjet aktuale”, ka shkruar emisari Lajçak. /Telegrafi/

Subscribe në YouTube: GAZETA INFOKUSI