Sport

Challandes: Jemi në grup të vështirë por edhe mjaft interesant

Autori: Gazeta inFokus 13:36 | 09 December 2020

Kosova ka mësuar kundërshtarët e saj në grup sa u përket kualifikimeve për Kampionatin Botëror, ‘Katar2022’, shkruan Gazeta inFokus.

Në grupin B ‘Dardanët’ do të përballen me Spanjën, Suedinë, Greqinë dhe Gjeorgjinë, duke nisur nga muaji mars.

Në lidhje me këto ndeshje ka folur trajneri i Kosovës, Bernard Challandes.

-Advertisement-

69 vjeçari është shprehur se grupi është i vështirë, por mjaft interesant.

“Unë e kam pranuar grupin kështu si është. Grupi është mjaft i vështirë, por njëherësh edhe mjaft interesant. Spanja është në Top 5 të botës. Suedia ka ekip të fortë, por gjithçka është e mundur nëse kemi guxim”.

“Greqia e Gjeorgjia janë kundërshtarë mjaft të mirë, por ne mund të ëndërrojmë. Gjëja më e rëndësishme është që ne të luajmë me lojtarët tanë më të mirë dhe me tifozë”, ka thënë Challandes për Gazetën Express.

Kujtojmë që ndeshjet e para për kualifikime nisin në muajin mars./Gazeta inFokus/

Subscribe në YouTube: GAZETA INFOKUSI