Sport

Challandes e bën një krahasim interesant me Kloppin dhe Guardiolan

Autori: Gazeta inFokus 14:15 | 08 October 2018

Bernard Challandes ka folur për mënyrën e lojës së Kosovës, në konferencën për shtyp para ndeshjes së të enjtes kundër Maltës.

I pyetur se nëse mund të premtojë lojë ofanzive në dy ndeshjet e ardhshme, Challandes u përgjigj: “Mendoni se kemi luajtur defanzivë deri tani?”

“Nuk ka të bëjë me atë se a luajmë në ofenzivë apo defanzivë”, tha Challandes në konferencën për shtyp, raporton Insporti

-Advertisement-

“E keni parë ndeshjen e djeshme Liverpool – Manchester City?”, pyeti Challandes.

“Mund të themi se janë dy ekipet më sulmuese në botë, por dje nuk pati gola, asnjë aksion për gol, por pati mbrojtje shumë të mira, por tani nuk mund të mendojmë se Guardiola apo Klopp janë trajnerë defanzivë”, citon Insporti selektorin e Kosovës.

“Por, në futboll është e qartë. Filozofia ynë është ofanziva. Te Kosova, ne duam të luajmë lojë sulmuese, kjo është e qartë”, përfundoi Challandes.

Subscribe në YouTube: GAZETA INFOKUSI