Ai i krijoi njerëzit «mashkull dhe femër» dhe pa se ajo që kishte bërë, ishte «shumë mirë». (Zanafilla 1:27, 31) Kur i bashkoi në martesë burrin dhe gruan e parë, Perëndia tha se ata ‘do të bëheshin një mish i vetëm’. (Zanafilla 2:24) Kjo lidhje përfshinte kënaqësinë e intimitetit seksual bashkë me një lidhje të ngushtë emocionale, shkruan www.jw.org.

Bibla e përshkruan me këto fjalë kënaqësinë që provojnë burrat në martesë: «Gëzo me gruan e rinisë sate . . . Gjinjtë e saj të të dehin gjithë kohës. Nga dashuria e saj qofsh vazhdimisht i dalldisur!» (Proverbat 5:18, 19) Edhe Perëndia dëshiron që seksi t’u sjellë kënaqësi grave. Bibla thotë: «Burrat dhe gratë duhet të plotësojnë nevojat seksuale të njëri-tjetrit.»—1 Korintasve 7:3, God’s Word Bible.

Kufizime për kënaqësinë seksuale
Perëndia i rezervon marrëdhëniet seksuale vetëm për të martuarit, siç tregon Hebrenjve 13:4: «Martesa të nderohet nga të gjithë dhe shtrati martesor të jetë pa ndyrësi, sepse Perëndia do të gjykojë kurvarët dhe kurorëshkelësit.» Çiftet e martuara duhet të tregojnë besnikëri dhe të jenë gjithmonë të përkushtuar ndaj njëri-tjetrit. Ata gjejnë kënaqësi të madhe jo duke rendur pas kënaqësisë së tyre egoiste, por duke zbatuar parimin biblik: «Ka më shumë lumturi të japësh, se të marrësh.»—Veprat 20:35.
Çfarë thotë Bibla për homoseksualizmin?

Që kur i krijoi njerëzit, Perëndia kishte si qëllim që një mashkull dhe një femër të kryenin marrëdhënie seksuale vetëm brenda martesës. (Zanafilla 1:27, 28; Levitiku 18:22; Proverbat 5:18, 19) Bibla i dënon veprimet seksuale mes një burri dhe gruaje të pamartuar me njëri-tjetrin, si veprimet homoseksuale, ashtu edhe heteroseksuale. (1 Korintasve 6:18) Këtu përfshihen marrëdhëniet seksuale, ledhatimet e organeve gjenitale të dikujt tjetër dhe seksi oral ose anal.

Ndonëse Bibla nuk i miraton aktet homoseksuale, ajo nuk e toleron urrejtjen ndaj homoseksualëve ose homofobinë. Përkundrazi, të krishterët nxiten ‘të respektojnë çdokënd’.—1 Pjetrit 2:17.

A mund të lindë dikush homoseksual?
Bibla nuk flet drejtpërdrejt për shkaqet biologjike të dëshirave homoseksuale, megjithëse ajo e pranon se të gjithë lindim me prirjen për të shkuar kundër urdhërimeve të Perëndisë. (Romakëve 7:21-25) Megjithatë, Bibla nuk përqendrohet te shkaku i dëshirave homoseksuale, por ndalon aktet homoseksuale.

Si t’i pëlqesh Perëndisë edhe nëse ke nxitje seksuale ndaj të njëjtit seks?
Bibla thotë: «Mos iu nënshtroni trupit tuaj. Mbytni çdo dëshirë për seksin e llojit të gabuar.» (Kolosianëve 3:5, Contemporary English Version) Që të mbytësh dëshirat e gabuara, të cilat çojnë në veprime të gabuara, duhet të mbash nën kontroll mendimet. Nëse e mbush mendjen rregullisht me mendime të pastra, mund t’i largosh më kollaj dëshirat e gabuara. (Filipianëve 4:8; Jakovi 1:14, 15) Edhe pse në fillim mund të jetë luftë e vërtetë, më pas bëhet më e lehtë. Perëndia premton se do të të ndihmojë ‘të rinohesh në forcën që vë në veprim mendjen tënde’.—Efesianëve 4:22-24.

Të njëjtën luftë hasin edhe miliona të tjerë me dëshira heteroseksuale të cilët duan të ndjekin normat e Biblës. Për shembull, ata që janë beqarë pa shumë mundësi për t’u martuar ose ata që janë të martuar me dikë që s’është në gjendje të kryejë marrëdhënie seksuale, zgjedhin t’i mbajnë nën kontroll nxitjet seksuale pavarësisht nga tundimet që mund të hasin. Ata mund të jetojnë të lumtur. Edhe ata që kanë nxitje seksuale ndaj të njëjtit seks, mund të jenë të lumtur nëse duan vërtet t’i pëlqejnë Perëndisë.—Ligji i përtërirë 30:19. /arbresh.info