Lajme

Çfarë i dorëzoi Mustafa – Haradinajt, zbulon këshilltari i ish-Kryeministrit

Autori: Gazeta inFokus 15:39 | 11 September 2017

Gjatë mesditës, kur Ramush Haradinaj pranoi detyrën e kryeministrit nga paraardhësi i tij, Isa Mustafa, ky i fundit i dorëzoi disa “follderë”, përmbajtjen e të cilave e zbulon këshilltari, njëherësh ish-shefi i kabinetit Mustafa, Sokol Havolli.

Ish-shefi i kabinetit të kryeministrit Mustafa, Sokol Havolli, ka treguar se në fakt dorëzimi i këtyre dosjeve është formalitet, por brenda tyre, dosjet përmbajnë plane të vazhdueshme të qeverisë dhe planeve që nuk ndryshojnë, pavarësisht ndërrimit të Qeverive.

Havolli ka thënë se gjatë pranim-dorëzimit të mandatit të kryeministrit, u bë dorëzimi i planeve të zbatimit të MSA’së.

-Advertisement-

“Qeveria e re e ka, zbatimin e planit për këtë vit, tash ajo e bën planin e vet të zbatimit, mirëpo, për shembull, plani i zbatimit të MSA’së nuk ndryshon të tjerat e vlerëson qeveria e re qysh tek i ka plan me i zbatu si politika”, ka thënë Havolli për Gazetën Express.

“Agjenda e legjislativit është e aprovume prej Kuvendit. Tash kuvendi e bën agjendën e re legjislative, e varet prej prioriteteve të Qeverisë së re, por ka gjëra që vazhdojnë, pra janë në kontinuitet”, ka përfunduar ai.

Subscribe në YouTube: GAZETA INFOKUSI