Sport

‘Çartet’ Bylbyl Sokoli pas barazimit me Feronikelin, ka disa fjalë për futbollistët e tij

Autori: Gazeta inFokus 16:40 | 15 February 2021

Gjilani nuk ka arritur me shumë se një barazim 1-1 në udhëtim te Feronikeli, në sfidën e vlefshme për javën e 19-të në elitën e futbollit kosovar, shkruan Gazeta inFokus.

Në sfidën e zhvilluar në stadiumin ‘Rexhep Rexhepi’ në Drenas, golin për vendasit e shënoi Adem Maliqi në minutën e 26’, kurse për mysafirët realizoi Muhamed Useini në minutën e 54’.

Pas ndeshjes ka folur trajneri i gjilanasve, Bylbyl Sokoli, i cili ka shprehur hapur pakënaqësitë me futbollistët e tij.

-Advertisement-

“Nuk jam i kënaqur as me lojën e as me rezultatin. Kjo është e pa tolerueshme, pasi që nuk jemi marrë vesh para ndeshjes. Nuk është aspak korrekte dhe nuk shkon me përgatitjen që kemi bërë për këtë takim. Futbollistet nuk zbatuan asnjë pikë të asaj që jemi marrë vesh. Kemi shumë punë për t’u përmirësuar. Kështu nuk guxojmë të luajmë asesi”, deklaroi fillimisht Sokoli për “Art Sport”.

Tutje ai foli edhe për largimin e Jacksonit dhe Frashërit.

“Jackson ka qenë i padisiplinuar dhe është kërkuar të largohet, ndërkohë Frashëri ka kërkuar që të lirohet dhe klubi i ka plotësuar këtë kërkesë. Megjithatë, ne nuk kemi problem me fazën e mbrojtjes, pasi që kemi Sorsan, njërin prej mbrojtësve më të mirë në ligë. Ne kemi probleme me disiplinën taktike, gjë të cilën duhet ta përmisojmë në ndeshjet e radhës”, përfundoi Sokoli.

Pas këtij barazimi, Gjilani renditet i katërti me 30 pikë./Gazeta inFokus/

Subscribe në YouTube: GAZETA INFOKUSI
Lansohet aplikacioni më i ri i lojalitetit që sjell t’mira pafund Kartela Plus!
-Advertisement-

Të tjera

Fokusi

sport