Rozë

Cardi B thekson format joshëse të trupit për fushatën e fundit për markën e Kim Kardashianit “SKIMS”

Autori: Gazeta inFokus 12:57 | 17 October 2023

Cardi B është e famshmja më e fundit e angazhuar nga Kim Kardashian për të nxitur markën e saj novatore “SKIMS”.

Të hënën, 31-vjeçarja nga Bronxi u prezantua si modelja më e re e markës së veshjeve të Kimit.

Duke u shfaqur me flokë të gjata ngjyrë të kuqe, Cardi ngacmoi në një reklamë të shkurtë të shpërndarë nëpër rrjete sociale, shkruan DailyMail.

-Advertisement-

“Të gjithë kanë veshur Skims, apo jo?”, shkroi nëna e dy fëmijëve e cila u shfaq e guximshme në reklamë dhe bëri jehonë në një mbishkrim në Instagram.

Kardashian, e cila më 21 tetor mbush 43 vjet, postoi gjithashtu reperen në llogarinë e saj në Instagram dhe shkroi: “Cardi B për SKIMS”.

Reklama e pa artisten muzikore fituese të “Grammy”t të veshur me një bluzë ngjyrë bezhë dhe pantallona të shkurta të ngjashme.

Rrobat seksi shfaqën dekoltenë dhe mesin e tonifikuar teksa pozonte kundër një sfondi me tone neutrale – estetika e veçantë e Kardashian.

Pjesë të tjera nga koleksioni shfaqën yllin me një palë sytjena të gjelbra dhe të brendshme të ngjashme.

Rap-arstistja tregoi tatuazhet e saj shumëngjyrëshe në disa vende të trupit.

Në fillim të këtij muaji, Kim Cattrall, Hari Nef, Coco Jones, Lana Condor dhe Nelly Furtado u shfaqën në një fushatë për gjigantin e veshjeve të brendshme.

Kardashian ka vendosur t’i mbajë të gjithë sytë në biznesin e saj miliarda dollarësh duke rezervuar rregullisht talentin e ri më të famshëm dhe më premtues në botë për fushatat e saj.

Modelet e kaluara përfshijnë Megan Fox, motrën Kourtney Kardashian dhe modelet e Victoria’s Secret.

E bashkëthemeluar në vitin 2019 nga Kardashian dhe Jens Grede, SKIMS është një markë e orientuar drejt zgjidhjeve që krijon gjeneratën e ardhshme të të brendshmeve, mbathjeve dhe veshjeve.