Lajme

Bytyqi: Mos humbni orë mësimore

Autori: Gazeta inFokus 15:04 | 12 March 2018

Ministri i Arsimit, Shkencës dhe Teknologjisë, Shyqiri Bytyqi, duke komentuar grevën e sotme në sistemin arsimor në Kosovë, ka thënë se është e paarsyeshme dhe nuk qon drejt zgjidhjes, transmeton Infokusi.com.

Bytyqi përmes një postimi në ‘facebook’ ka shkruar se ministria e ka proceduar në Qeveri Projektligjin për statusin e punëtorëve të arsimit në vitet 1990-1999 andaj po pritet vetëm procedimi i tij në Kuvend.

Ministri ka shtuar gjithashtu se SBAShK është në dijeni për tërë procedurat andaj rruga më ë mire është angazhimi për cilësi dhe mos humbje të orëve mësimore.

-Advertisement-

Më poshtë mund të gjeni të plotë statusin e Bytyqit:

‘Ministria e Arsimit, Shkencës dhe Teknologjisë, me kohë e ka proceduar për në Qeveri Projektligjin për statusin e punëtorëve të arsimit në vitet 1990-1999. Veç asaj që ne e kemi proceduar tutje, pra ne i kemi kryer obligimet që kemi si MAShT, po ashtu kemi qenë në komunikim të vazhdueshëm me SBAShK-un dhe ata e kanë informatën e plotë që ne jemi të interesuar që sa më shpejt ky Projektligj i rëndësishëm të merr rrugën e duhur.

Derisa SBAShK-u është në dijeni që vullneti i MAShT-it dhe Qeverisë është që ky Projektligj të shkojë sa më parë në Parlament dhe të jetësohet, ne nuk e shohim të arsyeshme grevën dhe as si zgjidhje në këtë situatë.

Prandaj, rruga më e mirë është që të gjithë mësimdhënësit dhe prindërit të angazhohen që nxënësit tanë të mos humbin asnjë orë mësimi, nga e cila humbje natyrisht se pësojnë nxënësit dhe i gjithë sistemi i arsimit, ku po bëjmë përpjekje të mëdha për të rritur cilësinë.’

Të hënën në të gjitha shkollat fillore, të mesme dhe universitet në Kosovë është mbajtur grevë njëditore. Ndërsa është thënë se në rast të mosplotësimit të kërkesave të tyre më 13 prill i tërë sistemi arsimor i Kosovës do të shkoj në grevë por ajo grevë do të jetë në një kohë të pacaktuar./INFOKUSI

Subscribe në YouTube: GAZETA INFOKUSI