Brenda një dite kanë ndodhur tetë raste të dhunës ne familje në Kosovë, shkruan Gazeta Infokus.

Rastet e dhunës i përkasin pesë rajonit të Prishtinës, një në Gjilan, një në Gjakovë si dhe një në rajonin e Mitrovicës.

Rasti i parë i dhunës në rajonin e Prishtinës ka ndodhur në Podujevë ku një grua ka pranuar tretman mjekësor pasi që pas një mosmarrëveshje ishte sulmuar fizikisht nga bashkëshorti i saj.

“Viktima femër kosovare ka pranuar tretmanë mjekësor pasi që e njëjta pas një mosmarrëveshje është sulmuar fizikisht nga bashkëshorti i saj i dyshuari mashkull kosovar. Palët janë intervistuar dhe me vendim të prokurorit i dyshuari është arrestuar dhe dërguar në mbajtje”, thuhet në raportin 24 orësh të Policisë së Kosovës.

Rasti i dytë është raportuar nga një grua nga Fushë Kosova pasi që kishte pranuar tretman mjekësor pas dhunës fizike nga bashkëshorti i saj.

Sipas policisë i dyshuari gjendet në arrati, si dhe rasti është nën hetime.

“Viktima femër kosovare ka pranuar tretmanë mjekësor pasi që e njëjta pas një mosmarrëveshje është sulmuar fizikisht nga bashkëshorti i saj i dyshuari mashkull kosovar”

Rasti i tretë në rajonin e Prishtinës është raportuar nga një grua e cila ishte sulmuar fizikisht nga bashkëshorti i saj, ku edhe ka pranuar tretman mjekësor.

Pas intervistimit me vendim të prokurorit i dyshuari është arrestuar dhe është dërguar në mbajtje.

“Viktima femër kosovare ka pranuar tretmanë mjekësor pasi që e njëjta pas një mosmarrëveshje është sulmuar fizikisht nga bashkëshorti i saj i dyshuari mashkull kosovar”

Rasti i katërt ka ndodhur në Fushë Kosovë ku ankuesja femër ka raportuar se është kanosur përmes telefonit nga bashkëshorti i saj i cili edhe jeton jashtë Kosovës.

Sipas policisë viktima është intervistuar në prezencë të punëtorit social ndërsa me urdhër të prokurorit është cilësuar rasti dhunë në familje.

“Ankuesja femër kosovare ka raportuar se është kanosur përmes telefonit nga bashkëshorti i saj i cili jeton jashtë Kosovës”, thuhet në raportin 24 orësh.

Ndërsa rasti i pestë në rajonin e Prishtinës është raportuar se dy persona, babë e birë pas një mosmarrëveshje janë rrahur.

Sipas raportit në lidhje me rastin është konsultuar prokurori i shtetit i cili ka rekomanduar që pas intervistimit palët të lirohen dhe rasti të shkojë në procedurë të rregullt.

“Raportohet se dy të dyshuar meshkuj kosovarë, babë e birë (i biri i mitur) pasi që pas një mosmarrëveshje janë përleshur edhe fizikisht”, thuhet në raport.

Rasti i gjashtë i cili ka ndodhur në rajonin e Gjilanit është raportuar nga një grua nga Novobërda, e cila ishte sulmuar fizikisht nga bashkëshorti i saj.

“Është arrestuar i dyshuari mashkull kosovar pasi që, pas një mosmarrëveshje ka sulmuar fizikisht bashkëshorten e tij, viktimën femër kosovare. Në lidhje me rastin është konsultuar prokurori i shtetit me vendim të së cilit i dyshuari është dërguar në mbajtje”, thuhet në raportin 24 orësh të Policisë së Kosovës.

Rasti i shtatë i dhunës në familje ka ndodhur në rajonin e Gjakovës ku është raportuar nga një  grua e cila është sulmuar nga bashkëshorti i saj.

Sipas policisë i dyshuari ka mohuar një gjë të tillë.

“Është arrestuar një i dyshuar mashkull kosovar pasi i njëjti ka kanosur bashkëshorten e tij femër kosovare. I dyshuari gjatë intervistës ka mohuar një gjë të tillë. Me urdhër të prokurorit i dyshuari është liruar në procedurë të rregullt. Rasti është duke u hetuar”, thuhet në raportin e Policisë.

Si dhe rasti i rajonit të Mitrovicës ka ndodhur më saktësisht në Vushtrri, ku është arrestuar një person i cili ka sulmuar fizikisht motrën e tij.

Sipas policisë viktimës i është ofruar trajtim mjekësor.

Në lidhje me rastin është konsultuar prokurori i shtetit i cili ka rekomanduar që pas intervisitmit i dyshuari të lirohet dhe rasti të shkojë në procedurë të rregullt.

“Është arrestuar i dyshuari mashkull kosovar pasi që ka sulmuar fizikisht motrën e tij, viktimën femër kosovare. Viktimës iu është ofruar trajtim mjekësor. Në lidhje me rastin është konsultuar prokurori i shtetit i cili ka rekomanduar që pas intervistimit i dyshuari të lirohet dhe rasti të procedohet në procedurë të rregullt”, thuhet në raportin e Policisë së Kosovës./Gazeta Infokus/

BKT Kosova synon të rrisë ndërgjegjësimin lidhur me çrregullimet e spektrit të autizmit në Ditën Botërore të Ndërgjegjësimit për Autizmin

Sponsoruar