Burbuqe Hana/ Një vit u.d e kryeshefes së Telekomit, zero paraqitje në media
Autori: Gazeta inFokus 09:22 | 06 June 2022
Sot bëhet një vit që kur Telekomi i Kosovës udhëhiqet me ushtrues detyre.
Këtë pozitë Bordi i Drejtorëve të Telekomit ia kishte besuar Burbuqe Hanës.
Pikërisht, sot një vit Burbuqe Hana u drejtohet me një e-mail të gjithë punonjësve të Telekomit të Kosovës për t’ua bërë me dije se ka marrë pozitën e udhëheqjes por vetëm si ushtruese e detyrës.
Që nga ajo kohë e deri më sot kur edhe po bëhet një vit, e njëjta nuk ka pasur asnjë adresim të saj për këtë kompani e cila po ballafaqohet me probleme.
E, edhe pas një viti nga dita e emërimit të saj në këtë pozitë, Bordi nuk ka dhënë asnjëherë ndonjë informacion dhe asnjë vendim për vazhdimin e mandatit të saj si ushtruese e detyrës në këtë kompani.
Ky i fundit, madje ende nuk ka vendosur se kur do ta shpallë konkursin për Kryeshef të Telekomit të Kosovës, ndonëse kjo kërkohet të bëhet.
Në Telekomin e Kosovës, mos shpalljen e konkursit e kanë lidhur me problemet që ka përbrenda kompania.
Ata kanë thënë se Bordi e ka gjetur Telekomin në një situatë të vështirë financiare si dhe me shumë probleme të trashëguara dhe se situata vazhdon të jetë e rënduar.
“Bordi i Drejtorëve konsideron se shpallja e konkurseve për pozitat e larta në këtë faze të ndjeshme do të ishte e paarsyeshme dhe do të shkaktonte pengesë dhe tej-zgjatje të këtyre proceseve, duke e ditur se brenda një kohe të shkurtër do të ndërrojnë pozitat, përshkrimi i tyre, gradat etj , sidomos nëse kemi parasysh reduktimin e numrit të pozitave, ndryshimin e gradave, editimin e një serë rregulloreve, etj”, ka thënë për Front Online, Shpëtim Dobra, Kryesues i Bordit të Drejtorëve të Telekomit të Kosovës.
Dobra, duke mos treguar se kur Telekomi do të ketë në krye të saj Kryeshefin Ekzekutiv e jo vetëm ushtrues detyre, ka thënë se shpallja e konkursit do të bëhet në harmoni me ligjet në fuqi.
Ai ka treguar se përpos për këtë pozitë, shpallja e konkurseve do të bëhet edhe për pozita të tjera të larta.
Vendimet e u.d kryeshefes
Në anën tjetër duke qenë si ushtruese e detyrë së Kryeshefes Ekzekutive, Burbuqe Hana ka marrë vendime të rëndësishme për kompaninë dhe punonjësit e saj.
E, para ka bërë dy oferta për punëtorët që të dalin vullnetarisht nga puna dhe e dyta ka të bëjë me procesin e ristrukturimit të kompanisë në fjalë.
Front Online po ashtu në Telekom ka pyetur se a ka të drejtë Hana duke qenë ushtruese e detyrës të udhëheq procesin e ristrukturimit, kur dihet që ky proces në të gjitha parametrat e tjerë fillohet duke shpallur konkurse për pozitat më të larta ën kompani, por të njëjtit nuk kanë dhënë ndonjë përgjigje.
Përgjigja e vetme e tyre ka qenë se janë duke përmbyllur këtë proces i cili do të sigurojë funksionim normal të kompanisë.
“Jemi në një fazë të përmbylljes së disa proceseve të rëndësishme që do të sigurojnë këndelljen e kompanisë tonë, e mbi të gjitha në përmbylljen e procesit të ristrukturimit të plotë të kompanisë, i cili do të sigurojë funksionim normal të kompanisë, daljen e programuar nga borxhet enorme ku ishte futur kompania, rikthimin e investimeve strategjike, rikthimin e financave për të cilat Bordi dhe Menaxhmenti mendon se është dëmtuar TK-ja, motivim të serishëm të punëtorëve të de-motivuar nga emërime e grada joreale që sipas vlerësimit të Bordit dhe Menaxhmentit kishin ndodhur në kompani, etj”, ka deklaruar për Front Online, Shpëtim Dobra, Kryesues i Bordit të Drejtorëve të Telekomit të Kosovës.
Burbuqe Hana e kishte ushtruar këtë pozitë për disa muaj edhe në vitin 2020.
Ajo ishte emëruar në vend të Kryeshefit Ekzekutiv të kësaj kompanie, Bedri Istrefit.
Pozitën si ushtrues detyre e kishte marrë më 20 prill të vitit 2020, ndërsa kishte dhënë dorëheqje më 18 gusht të po këtij viti.
Të tjera
-
“Sot mund të shpërbëhet Kuvendi”, çfarë pritet të ndodhë në seancë?
Deputeti i Partisë Demokratike të Kosovës, Rashit Qalaj ka thënë se në seancë...
-
21-vjeçari i shpallur në kërkim për ngjarjen në Pejë, i dyshuar edhe për plāgosjen e një polici
Jo më larg se në dhjetorin e fundit, ai e kishte goditur me veturën e tij zyr...
-
VV kalon edhe dy marrëveshje ndërkombëtare me ndihmën e opozitës, një tjetër ende në shqyrtim
Kuvendi i Kosovës ka miratuar dy marrëveshje ndërkombëtare të mbetura nga sea...
-
Rezoluta e Srebrenicës, Bërnabiq thotë se është e shqetësuar për paqen në Ballkan
Kryeparlamentarja serbe, Ana Bërnabiq, tha se propozimi i rezolutës për Ditën...
-
Bajrami i kërkon kryetarit të Gjilanit nga VV të deklarohet a është për ardhjen e të burgosurve nga Danimarka
Deputetja e LDK-së, Hykmete Bajrami, ka thënë se kryetari i Gjilanit, Alban H...
-
Gjendja e njërit nga të plag*osurit të Pejës, shumë e rëndë
Një plagoje e trefishtë ka ndodhur mbrëmë në Pejë. Si pasojë e lëndimeve t...
-
Deputetët e votojnë edhe marrëveshjen e 11-të ndërkombëtare
Me 93 vota për, deputetët e Kuvendit të Kosovës e kanë miratuar Marrëveshjen ...
-
Haradinaj për letrën e Serbisë në Asamblenë Parlamentare të NATO-s: Veprim për shkak të gabimeve të Kosovës
Kryetari i Aleancës për Ardhmërinë e Kosovës, Ramush Haradinaj, ka folur për ...
-
Gjuajtje me ar*më në Gjakovë
Të shtëna me armë zjarri ka pasur mbrëmjen e së mërkurës në fshatin Damjan të...
-
Suedia i ofron Ukrainës ndihmë tjetër ushtarake me vlerë 6,5 miliardë euro
Kryeministri suedez Ulf Kristersson njoftoi dje se vendi i tij do t’i ofrojë ...
-
Presidentja e Sllovenisë pritet me ceremoni shtetërore nga Bajram Begaj
Presidenti i Shqipwrisw, Bajram Begaj ka pritur ditën e sotme homologen e tij...
-
UP-ja u bën thirrje deputetëve ta votojnë statutin e ri
Universiteti i Prishtinës u ka bërë thirrje deputetëve të Kosovës ta votojnë ...