Marrëveshja e Brukselit është nënshkruar në vitin 2013, ajo duhet të zbatohet dhe nuk mund të kalohet në marrëveshje të tjera, tha kryeministrja serbe, Ana Brnabiq, sot në Singapor.

Këtë ajo e ka deklaruar duke komentuar propozimet e supozuara të bashkësisë ndërkombëtare, të raportuara në disa media, për deeskalimin e situatës në veri të Kosovës, ndër të cilat kërkesa që të themelohet Asociacioni i komunave me shumicë serbe, formimi i të cilit është tashmë i parashikuar në Marrëveshjen e Brukselit, të diskutohen në kuadër të planit franko-gjerman për zgjidhjen e çështjes së Kosovës.

Brnabiq theksoi se Marrëveshja e Brukselit është marrëveshja e parë për normalizim dhe se ajo duhet të zbatohet.

“Tashmë është rënë dakord, tashmë është nënshkruar dhe zbatimi i tij garantohet nga Bashkimi Evropian. Nuk mund të thuash, “Beogradi i ka përmbushur të gjitha marrëveshjet nga Marrëveshja e Brukselit, dhe atë që Kosova nuk e ka përmbushur, pra çfarë duhet bërë. Kjo nuk është e drejtë”, theksoi kryeministja serbe.

Siç thotë Brnabiq, e gjithë besueshmëria e BE-së është në linjë.

“Në atë dokument është nënshkrimi i përfaqësuesit të lartë të BE-së, nuk e di se si mund të diskutojmë gjëra të tilla dhe shpresoj se janë lajme të rreme apo gjysmë-informacione, sepse nuk do të kishte kuptim”, tha Brnabiq.

Kryeministrja serbe thotë se nuk është në dijeni për pretendimet e mediave shqiptare se marrëveshja për deeskalimin në veri të Kosovës tashmë është arritur dhe se do të bëhet e ditur të premten.

E pyetur nëse ka hapësirë ​​për dialog në këto rrethana, Brnabiq përgjigjet se nuk e sheh.

“Nuk jam optimiste, nuk e di se çfarë marrëveshje shtesë mund të arrihet, duke pasur parasysh se Kosova ka shkelur të gjitha marrëveshjet që janë arritur më parë dhe se ne kërkojmë vetëm respektimin e marrëveshjeve të nënshkruara. E di që presidenti Vuçiq po bën më të mirën, e di dhe se është në komunikim të vazhdueshëm me serbët të cilët jetojnë në Kosovë dhe se po përpiqet të gjejë një zgjidhje që do të siguronte më tej paqen dhe stabilitetin në rajonin tonë”, theksoi kryeministri.

Disa media në gjuhën shqipe publikojnë non-paper, por edhe informacione të supozuara ekskluzive se në parim është arritur një marrëveshje për deeskalimin e situatës në Kosovë.

BKT Kosova synon të rrisë ndërgjegjësimin lidhur me çrregullimet e spektrit të autizmit në Ditën Botërore të Ndërgjegjësimit për Autizmin

Sponsoruar