Lajme

Brenda laboratorit të IML-së, vendi ku u zhdukën mostrat e Astrit Deharit

Autori: Gazeta inFokus 12:37 | 16 February 2023

Laboratori i Toksikologjisë i cili funksionin që nga viti 2006 gjendet brenda Institutit të Mjekësisë Ligjore (IML). Në këtë laborator janë ruajtur mostrat e Astrit Deharit, e të cilat tash e disa muaj janë zhdukur.

Telegrafi muaj më parë kishte vizituar Institutin e Mjekësisë Ligjore me ekipin e tij, në të cilën ka kryer një sërë intervistash me punëtorët e divizioneve të ndryshme në këtë institucion, duke përfshirë edhe laboratorin e Toksikologjisë.

Përmes fotografive do u risjellim edhe njëherë pamje nga ky laborator, i cili është në funksion që nga viti 2006.

-Advertisement-

Po ashtu pas zhdukjes së mostrave të Astrit Deharit në Institutin e Mjekësisë Ligjore (IML) nga Prokuroria Speciale e Kosovës kanë bërë të ditur se nuk kanë ende persona të dyshuar në këtë çështje.

Ndërkaq, më 8 dhjetor 2022, ministrja e Drejtësisë, Albulena Haxhiu, kishte deklaruar se në orët e vona ishte njoftuar se janë zhdukur mostrat e Astrit Deharit nga laboratori në Institutin e Mjekësisë Ligjore (IML).

Në lidhje me këtë lajm, u ndërmorën disa masa, duke u pezulluar nga puna katër punonjës të laboratorit të Toksikologjisë, në IML, të cilët tri ditë më parë u rikthyen sërish në punë.

Ajo e kishte quajtur këtë akt “të rëndë dhe kriminal”.

Ndryshe, laboratori i Toksikologjisë në IML, funksionon që nga viti 2006, në të cilën kryhen analiza kuantitative dhe kualitative të alkoolit. Ndërsa, analizat kuantitative të substancave narkotike dhe medikamenteve mjekësore nuk kryhen në këtë laborator për rastet e autopsisë në këtë institut.

Analizat e kryera në laboratorin e toksikologjisë janë të një rëndësie të veçantë, pasi shërbejnë si dëshmi për rastet e ndryshme të veprave penale në procese gjyqësore, por ky laborator ende nuk është i akredituar ndërkombëtarisht.