Tre milionë euro shitblerje të parave vir­tuale janë realizuar gjatë vitit të kaluar vetëm nëpërmjet sektorit bankar. Kjo bëhet e ditur nga Banka Qendrore e Kosovës(BQK), sipas së cilës, vetëm gjatë dhjetorit 2017 ka pasur rreth 900 mijë euro blerje të këtyre parave.

Zyrtarë të BQK-së bëjnë të ditur se këto shifra paraqesin vetëm transaksionet e kryera përmes bankave dhe nuk përfshijnë transaksionet e reali­zuara përmes kanaleve tjera.

Shitblerjet e parave virtuale përmes sektorit bankar, sipas BQK-së, janë bërë kryesisht me plat­format e vendosura në Gjermani, Kinë dhe Slloveni dhe me disa transaksione përmes platformave në Britani të Madhe, Gjerorgji dhe Japoni.

Megjithatë në BQK thonë se investimet në paratë virtuale nuk janë të garantuara.

PARALAJMËRIMET E BANKËS QENDRORE

Guvernatori i BQK-së, Fehmi Me­hmeti, ka potencuar se institucioni që e drejton

ka lëshuar disa paralajmërime, ku bëhet e ditur se në Republikën e Kosovës nuk ka asnjë institucion që garanton rim­bursimin e parave të humbura në rast të humbjeve të shkaktuara nga investimi dhe përdorimi i parave virtuale.

‘Nuk ka asnjë autoritet apo instituci1on zyrtar ven­dor apo ndërkombëtar që merr përsipër përgjegjësinë lidhur me humbjet e mundshme nga investimi në paratë virtuale. BQK-ja ka paralajmëruar përdoruesit e platformave virtuale se këto platforma nuk janë të rregulluara me ligj, si dhe nuk janë të mbikëqyrura nga autoritetet rregullative. Prandaj nuk ka ndonjë kontroll institucional që ushtrohet ndaj këtyre rrez­iqeve dhe nuk ka ndonjë mënyrë ligjore të adresimit të humbjeve në rast të keqpërdorimit të investimeve nëpërmjet platformave të tilla’, ka thënë Mehmeti.

Sipas kreut të BQK-së, me qëllim të përcjelljes së zhvillimeve në këtë fushë kanë krijuar një grup punues, i cili do të merret me përcjelljen e zhvillimeve ndërkombëtare për rregullimin e parave virtuale.

‘Pra, hapat që do të ndërmerr BQK-ja për paratë virtuale, do të jenë në pajtim me hapat e ndërmarrë nga ana e rregullatorëve përkatës në BE’, ka thënë ai.

HAMZA: S’KA GARANCI PËR VALUTA VIRTUALE

Edhe Bedri Hamza, ministër i Financave në Qever­inë e Kosovës, thekson se Kosova nuk mund të ofrojë ndonjë garanci institucionale për shpenzimet rreth blerjes së valutave virtuale. Sipas Hamzës, zhvillimet rreth vlerës dhe sigurisë së këtyre valutave shumë lehtë mund të jenë pre e aktiviteteve të ndryshme spekulative, prandaj fton të gjithë “investitorët” ponte­cialë që të kenë shumë kujdes para se të marrin vendimin që të plaso­jnë mjetet e tyre në produkte të tilla.

‘Aktualisht, tregu i valutave virtu­ale mbetet një treg i parregulluar në mbarë botën dhe si i tillë nënkup­ton se nuk ekziston një kornizë rreg­ullative apo një trup mbikëqyrës që përkujdeset për investimet dhe të drejtat e investitorëve’, shprehet ai.

BALIJA: VALUTAT VIRTUALE  PARAQESIN RREZIQETË SHUMTA PËR INVESTITORËT

Petrit Balija, drejtor ekzekutiv i Shoqatës së Bankave të Kosovës, thotë se valutat virtuale nuk njihen si mjet ligjor i pagesës nga ana e bankave të Kosovës.

Sipas tij, ky instrument i tregtueshëm virtual nuk është i rregulluar me ligjet në fuqi në Repub­likën e Kosovës dhe paraqet rreziqe të shumta për investitorët.

‘Rreziku kryesorë është humbja e mjeteve të in­vestuara, qoftë për arsye të rënies së vlerës së kë­tyre investimeve, apo edhe për arsye tjera siç është vjedhja nga hakerët. Problemi parësor qëndron në ate se asnjë institucion shtetërorë e as financiar nuk garanton asnjë aspekt të valutave virtuale. Prandaj, qytetarët që investojnë në këto instru­mente janë krejtësisht të pa mbrojtur nga ligjet në fuqi’, ka sqaruar Balija./INFOKUSI

BKT Kosova vlerësohet për herë të katërt "Banka e Vitit 2024 në Kosovë" nga The Banker

Sponsoruar