Lajme

Borrell tregon çka u kërkoi Kurtit e Vuçiçit në takimet me ta

Autori: Gazeta inFokus 20:58 | 22 June 2023

Përfaqësuesi i lartë i Bashkimi Evropian, Josep Borrell, është deklaruar pas takimeve të ndara me kryeministrin e Kosovës, Albin Kurti dhe presidentit të Serbisë, Aleksandër Vuçiq.

Ai tha se me ta pati më shumë se 4 orë diskutime, dhe se nga Kurti, ka kërkuar që njësia speciale të largohet nga objektet komunale të veriut dhe kryetarët përkohoësisht ta ushtrojnë detyrën në objekte alternative.

Kurse nga Vuçiq, Borrell tha se ka kërkuar që gradualisht të ndikojë në largimin e protestuesve rreth objekteve komunale në katër komunat e veriut.

-Advertisement-

“Kemi kërkuar nga të shumë herë të deeaskalohet situata dhe të rikthehen në dialog. Be ka qenë e qartë për hapat, edhe SHBA po ashtu. Për fat të keq, çdo që kemi parë ka qenë e kundërta. Kemi shpenzuar më shumë se 4 orë me Kurtin dhe Vuciq në takime të ndara për ta gjetur një zgjidhje. Kemi prezantuar palët për Kosovën, që menjëherë t’i heqë njësitë speciale, dhe 4 kryetarët përkohësisht ta ushtrojnë detyrën jashtë objekteve”, ka thënë ai.

Tutje, ai tha se në katër komunat veriore të Kosovës, duhet të shpallen zgjedhjet sa më parë, dhe se në këtë proces duhet të këtë gjithpërfshirje. Ai tha se liderët u pajtuan se duhet të ketë zgjedhje.

Ai tha se të dy liderët, Kurti dhe Vuçiq e kuptuan se situata është serioze, por sipas tij qëndrimet e tyre ishin të ndryshme.

“Dy liderët e kuptuan situatën, kanë qëndrime të ndryshme, interpretime të ndryshme… Për të shkuar përpara kam propozuar propozime konkrete. Në këtë kontest jemi pajtuar për zgjedhjet e jashtëzakonshme, dhe si të shkojmë atje, ende nuk jemi atje”, ka thënë ai.

Borrell tha se ka kërkuar nga Vuçiq, lirimin e menjëhershëm të tre policëve të Kosovës.

Borrell theksoi nevojën e rikthimit në dialog dhe zbatimin e marrëveshjes së Ohrit duke përfshirë Asociacionin

Subscribe në YouTube: GAZETA INFOKUSI
UNI-Universum International College rankohet me sukses në Times Higher Education Impact Rankings 2024
-Advertisement-

Të tjera

Fokusi

lajme