Lajme

Borrell sot takon ministrat e jashtëm të vendeve të Ballkanit Perëndimor

Autori: Gazeta inFokus 07:00 | 13 November 2023

Ministrat e Jashtëm të Bashkimit Evropian sot do të zhvillojnë një takim në Bruksel nën drejtimin e shefit të diplomacisë evropiane, Josep Borrell.

Së pari ministrat e Punëve të Jashtme të BE-së do të diskutojnë agresionin rus ndaj Ukrainës dhe zhvillimet e fundit në lidhje me Armeninë dhe Azerbajxhanin.

Siç njofton faqja zyrtare e BE-së, Këshilli më pas do të shkëmbejë pikëpamjet mbi situatën në Izrael dhe rajon, dimensionin e politikës së jashtme të sigurisë ekonomike.

-Advertisement-

Pas Këshillit të Punëve të Jashtme më 13 nëntor 2023, ministrat e BE-së do të marrin pjesë në takimin ministror BE-Ballkani Perëndimor së bashku me gjashtë ministrat e jashtëm të partnerëve të Ballkanit Perëndimor: Shqipëri, Bosnjë dhe Hercegovinë, Kosovë, Mal të Zi, Maqedoni të Veriut dhe Serbisë

Takimi do të fillojë në orën 17:30 dhe do të drejtohet nga kryediplomati evropian Josep Borrell

Subscribe në YouTube: GAZETA INFOKUSI