Lajme

Borrell për arritjen e marrëveshjes për energji: Hap i rëndësishëm në dialog

Autori: Gazeta inFokus 16:40 | 21 June 2022

Përfaqësuesi i lartë i BE-së për Politikë të Jashtme dhe Siguri, Josep Borrell, e ka cilësuar si hap të rëndësishëm në dialog arritjen e marrëveshjes mes Kosovës e Serbisë për energjinë.

Kosova e Serbia me ndërmjetësimin e Brukselit kanë arritur të nënshkruajnë të martën marrëveshjen për energjinë, e cila parasheh faturimin e energjisë elektrike për komunat veriore të Kosovës.

Për këtë çështje Borrel tha se ka biseduar me kryeministrin e Kosovës, Albin Kurti dhe presidentin e Serbisë, Aleksandar Vuçiq.

-Advertisement-

“Fola me Aleksandar Vuçiq dhe Albin Kurti për t’i uruar ata për arritjen e një marrëveshjeje mbi udhërrëfyesin e energjisë sot”, ka shkruar ai në ‘Twitter’.

“Ky është një hap i madh dhe i rëndësishëm përpara në dialogun e ndërmjetësuar nga BE-ja dhe do të japë rezultate konkrete për të gjithë qytetarët. Mezi presim të vazhdojmë të punojmë në hapat e ardhshëm”./Telegrafi

Subscribe në YouTube: GAZETA INFOKUSI