Ekonomi

“Borea” po bëhet, nënshkruhet draft-kontrata me konsorciumin italiano–zviceran (Foto)

Autori: Gazeta inFokus 13:47 | 15 May 2017

Derisa para një muajsh u shpall kompania fituese për ndërtimin e Qendrës Turistike dhe Rekreative “BOREA”, sot kryetari i Pejës, Gazmend Muhaxheri, e ka nënshkruar në parim draft-kontratën me drejtorin e konsorciumit italiano–zviceran ‘Leitner AG SPA & FILAV SA’, Franc Alain Furlani.

Pas nënshkrimit të draft-kontratës, menjëherë do të vazhdoj procedura në Komisionin ndërministror të Partneritet Publiko Privat (PPP).

-Advertisement-

Brenda pesë ditëve pritet që të jepet drita jeshile, për të vazhduar më tutje me fazën finale të operimit të kompanisë për realizimin e BOREA-s.

Ndërkaq, javën që vjen më së largu do të nënshkruhet kontrata në mes Komunës së Pejës dhe konsorciumit italiano-zviceran, ku brenda gjashtë muajve kompania do ta paraqesë zgjedhjen teknike për kryerjen e punëve, planin financiar dhe planin e dinamikës së realizimit.

“Sot, me besim të plotë dhe në funksion të një të ardhmeje më të ndritur për ne dhe brezat që do të vinë pas nesh, nënshkruam në parim Draft-kontratën për Ndërtimin e Qendrës Turistike ’Borea’. ‘Borea’ po bëhet. Projekti më i madh zhvillimor në historinë e Pejës, projekti që do ta bëjmë së bashku e që do ta trashëgojnë qytetarët e Pejës ndër dekada e shekuj. Me këtë rast, Ju uroj për ditën e madhe të komunës sonë dhe i shpreh falënderim të veçantë drejtorit të Konsorciumit fitues, zt. Franc Furlani, i cili përçoi besimin e plotë të tij e të Konsorciumit për zhvillimin e këtij projekti kaq të rëndësishëm për Pejën”, tha Muhaxheri për Telegrafin.

Kryetari i Pejës tha për Telegrafin se ajo që është premtuar po bëhet realitet.  “Ëndrra e kamotshme e pejanëve po bëhet e prekshme”, tha Muhaxherri.

Ai ka theksuar se BOREA nuk është projekt që do ta përdorë për zgjedhje.

“Këtë nuk e kam për fushatë, por thjesht për ta bërë një ëndërr të pejanëve realitet”, ka thënë ai, duke shtuar se vetëm besimi madh që do të bëhet ky projekt i ka motivuar që të mos ndalen.

Ndryshe, Muhaxherri ka deklaruar më herët se BOREA do t’i gjenerojë mbi 10 milionë euro të hyra në vit.

Dhe 8 deri 12 herë me shumë se kjo shifër do të jetë impakti në qytetin e Pejës, respektivisht nga 80 deri në 100 milionë euro, do të jetë impakti i “Boreas”, në qytet.

Subscribe në YouTube: GAZETA INFOKUSI
Etiketa:
E PREMTJA E BARDHË NË ETC ME ZBRITJE DERI 50%
-Advertisement-

Të tjera

Fokusi

ekonomi