Lajme

“Bombat” në shkollat e Shkupit: Kërcënimet vijnë nga jashtë vendit

Autori: Gazeta inFokus 14:44 | 17 November 2022

Policia në Maqedoninë e Veriut po vazhdon hetimet për të zbuluar kush qëndron pas denoncimeve të rreme për bomba në shkollat e mesme të Shkupit. Për të kontrolluar origjinën e kërcënimeve veprojnë edhe policët dhe inspektorët e Departamentit për krim kompjuterik dhe forenzikë digjitale. Sipas njohurive të deritashme të policisë, email-et me kërcënime vijnë nga Zvicra dhe Kroacia, por ende nuk është zbuluar dërguesi.

Për këtë operacion, MPB-ja atje ka kërkuar ndihmë edhe nga Interpoli dhe Europoli përmes Sektorit për bashkëpunim ndërkombëtar. Policia kishte ndaluar dy persona për të cilët u konstatua se të dhënat dhe adresat e tyre ishin keqpërdorur, më pas ishin liruar. Denoncimi i parë për bombë ishte më 26 tetor, shkruan Klan Macedonia.

Ndërkohë kanë vazhduar alarmet e rreme për bomba. Dje, për të tetën herë MPB-ja regjistroi një alarm të këtillë në shtatë shkolla të mesme të Shkupit. Sic njoftohet, kërcënuesi ka kërkuar 15.000 euro, në të kundërtën do të shpërthejë bombat, që nuk do të shkaktojnë dëme, por do të ketë shumë viktima – shkruhej në email-in e kërcënuesit. Gjatë kësaj nuk është përmendur si dhe kush do ta marrë pagesën.

-Advertisement-

Mësimi në shkolla tashmë ndërpritet për të tetën herë me radhë, kurse nga Ministria e Arsimit kanë kërkuar që shkollat të gjejnë mënyra për kompensimin e orëve të humbura.

Subscribe në YouTube: GAZETA INFOKUSI
BKT Kosova vlerësohet për herë të katërt "Banka e Vitit 2024 në Kosovë" nga The Banker
-Advertisement-

Të tjera

Fokusi

lajme