Sport

BOMBA E DITËS! Ronaldo largohet nga Real Madridi

Autori: Gazeta inFokus 13:39 | 15 January 2018

Ylli i Real Madridit,  Cristiano Ronaldo thuhet se është i gatshëm të largohet nga Bernabeu dhe të rikthehet në Manchester United pasi ende nuk i është ofruar një marrëveshje e re nga klubi, shkruan infokusi.com.

Portugezi muajin e kaluar fitoi për herë të pestë  ‘Topin e Artë’ dhe konsiderohet si një nga lojtarët më të mirë në botë.

Ai disa herë ka deklaruar  se do të donte t’i jepte fund karrierës së tij te skuadra e Real Madridit, ku aktualisht ka kontratë deri në vitin 2021.

-Advertisement-

Raportet e fundit nga Spanja tregojnë se 32-vjeçari është seriozisht i pakënaqur, sepse presidenti Florentino Perez nuk ka bërë ende ofertë  për ndonjë marrëveshje të re.

Sipas mediave spanjolle kjo ka bërë që Ronaldo të mendojë rikthimin në  ‘Old Trafford’  për të vazhduar karrierën e tij.

Gjithashtu bëhet me dije se edhe Man United  dëshiron të bëjë një rikthim të Ronaldos në Premier Ligë. /INFOKUSI.COM

Subscribe në YouTube: GAZETA INFOKUSI
Etiketa:

Të tjera

Fokusi

sport