Lajme

Blinken vizitë në Arabinë Saudite, bisedime mbi sigurinë dhe ekonominë

Autori: Gazeta inFokus 16:57 | 08 June 2023

Sekretari amerikan i Shtetit Antony Blinken po viziton Arabinë Saudite për bisedime mbi çështje që lidhen me ekonominë dhe sigurinë.

Përpara udhëtimit, gjatë një takimi të hënën, të Komitetit të Çështjeve Publike Amerikano-Izraelite, një grup lobues pro izraelit, zoti Blinken tha se pjesë e vizitës së tij do të jetë forcimi i marrëdhënieve mes Izraelit dhe Arabisë Saudite.

“Nxitja e normalizimit të marrëdhënieve mes Izraelit dhe Arabisë Saudite është në interesin e sigurisë kombëtare të Shteteve të Bashkuara. Besoj se mundemi dhe duhet të luajmë një rol kyç në përparimin e këtyre marrëdhënieve. Nuk kemi shpresa të kota se një gjë e tillë mund të arrihet shpejt dhe lehtë. Por ne jemi të angazhuar në arritjen e këtij qëllimi, pjesë e këtij përkushtimi janë dhe udhëtimet që do të kryej në Jedah dhe Riad, për t’u angazhuar me partnerët tanë në Arabinë Saudite dhe vendet e Gjirit”, tha zoti Blinken.

-Advertisement-

Zoti Blinken po merr pjesë në takimin e ministrave me Këshillin e Bashkëpunimit të vendeve të Gjirit ku pritet të diskutohet mbi forcimin e sigurisë, qëndrueshmërisë, uljes së tensioneve, integrimin rajonal dhe mundësite ekonomike në Lindjen e Mesme.

Sekretari amerikan i Shtetit Antony Blinken takohet me ministrin e jashtëm të Arabisë Saudite, Faisal bin Farhan, në Riad të Arabisë Saudite.

Zoti Blinken dhe homologu i tij Faisal bin Farhan kanë organizuar edhe një takim të koalicionit të 80 vendeve që janë angazhuar për të luftuar grupin Shteti Islamik./VOA

Subscribe në YouTube: GAZETA INFOKUSI