Lajme

Bislimi takon shefin e ri të zyrës së BE-së në Kosovë

Autori: Gazeta inFokus 16:33 | 06 September 2024

Zëvendëskryeministri, Besnik Bislimi, ka mirëpritur sot Shefin e ri të Zyrës së BE-së në Kosovë, ambasadorin Aivo Orav.

Në një komunikatë të lëshuar për media, thuhet se gjatë takimit diskutuan për marrëdhëniet ndërmjet Kosovës dhe Bashkimit Evropian, përfshirë këtu qeverisjen dhe progresin e vendit në demokratizim.

“Në këtë takim të parë njoftues dhe pune, zëvendëskryeministri Bislimi i uroi mirëseardhje të përzemërt në Kosovë ambasadorit Orav dhe shprehu përkushtimin dhe gatishmërinë për të ndërtuar një partneritet të ngushtë për përparimin e agjendës evropiane të Kosovës. Në fokus të bisedës ishin marrëdhëniet ndërmjet Kosovës dhe Bashkimit Evropian, lidershipi i ri pas zgjedhjeve evropiane, bashkëpunimi ndërinstitucional, qeverisja dhe progresi i Kosovës në demokratizim, sundim të ligjit, politikat energjetike dhe reformat ekonomike, të cilat së fundi u përshëndetën edhe nga Presidentja e Komisionit Evropian, Ursula von der Leyen”, thuhet në komunikatë.

-Advertisement-

Po ashtu, bëhet e ditur se Bislimi ka theksuar angazhimin e Kosovës për të vazhduar reformat e nevojshme që do të avancojnë pozionin e saj drejt marrjes së pyetësorit para staturis kandidat të BE-së.

 

Subscribe në YouTube: GAZETA INFOKUSI
Etiketa:
-Advertisement-

Të tjera

Fokusi

lajme