Lajme

Bislimi jep detaje për arritjen e marrëveshjes për të pagjeturit

Autori: Gazeta inFokus 19:03 | 17 December 2024

Kryenegociatori i Kosovës Besnik Bislimi, pas përfundimit të takimit trepalësh në kuadër të dialogut Kosovë-Serbi, tha se ka pajtim për zbatim të plotë të deklaratës për personat e zhdukur.

“Jemi marrë vesh që të pranohet versioni i dhjetorit i termave të referencës së komisionit të përbashkët, kur Serbia kishte paraqitur pengesat dhe si duket i ka tërhequr ato, prandaj mendoj se tani mund të ecim tutje ku gjatë muajit të ardhshëm do të mbahet mbledhja e parë e këtij komisioni të përbashkët”, tha ai.

Sipas tij, ka premtime nga ana e Serbisë se nuk do të ketë tendenca për pengimin e punës së këtij komisioni përmes makinerive që ata dinë t’i zbatojnë.

-Advertisement-

Bislimi tha se Lajçak ka dënuar sulmin në kanalin e Ibër-Lepencit dhe po ashtu ka treguar që BE është e gatshme të ndihmojë në hetimin e plotë të këtij rasti.

Ai tha se në takimin bilateral janë trajtuar edhe tema të ndryshme si ajo e IBM./RTK

Subscribe në YouTube: GAZETA INFOKUSI