Lajme

Bisedimet për qeverinë e re, zyrtari i VV’së kritikon LDK’në

Autori: Gazeta inFokus 23:55 | 13 December 2019

Ish-deputeti i Kuvendit të Kosovës nga radhët e Lëvizjes Vetëvendosje, Ali Lajçi, ka shprehur optimizëm se marrëveshja për bashkëqeverisje mes partisë së tij dhe Lidhjes Demokratike të Kosovës do të arrihet.

Ai ka thënë se kjo ujdi është në interesin e vendin, prandaj edhe marrëveshja duhet të bëhet.

Lajçi ka kritikuar LDK’në për kërkesat e saj në bisedimet për arritjen e marrëveshjes.

-Advertisement-

Ai ka thënë për “Epoka e Re” se partia e Isa Mustafës duhet të jetë më fleksibile në këto bisedime, dhe të mos ndalet në disa poste.

Zyrtari i VV’së ka treguar se posti i presidentit të ardhshëm të vendit është duke e vështirësuar marrëveshjen mes këtyre dy subjekteve politike.

Takimi i sotëm që zgjati rreth 2 orë mes kryetarit të VV’së, Albin Kurti, dhe atij të LDK’së, Isa Mustafa, nuk solli ndonjë rezultat konkret.

Të dyja palët janë dakorduar të takohen më shpesh deri në arritjen e një marrëveshjeje për koalicion qeverisës.

Subscribe në YouTube: GAZETA INFOKUSI
KosovaMed përmbyll vitin me sukses – dhuron donacione për QKMF-në e Junikut

Të tjera

Fokusi

lajme