Lajme

Biden: Ukraina nuk është gati për anëtarësim në NATO

Autori: Gazeta inFokus 21:38 | 09 July 2023

Ukraina “nuk është ende gati” për t’u bërë anëtare e NATO-s, ka thënë presidenti i SHBA-së, Joe Biden.

Duke folur për CNN, ai tha se NATO-s i duhej “të përcaktojë një rrugë racionale” që Ukraina mund të ndiqte në mënyrë që të bashkohej me bllokun, por shtoi: “NATO është një proces që kërkon pak kohë për të përmbushur të gjitha kualifikimet – nga demokratizimi në një varg çështjesh të tjera.”

Ai tha gjithashtu se do të ishte e vështirë të merrej një mbështetje unanime për ngjitjen e Ukrainës midis anëtarëve ekzistues të bllokut ndërsa lufta po vazhdon dhe se thirrjet për një votim mbi këtë çështje në të ardhmen e afërt ishin “të parakohshme”.

-Advertisement-

Ai shtoi se, ndërsa Ukraina punonte për të përmbushur kriteret për anëtarësim, SHBA mund të ofrojë ndihmë ushtarake të ngjashme me mbështetjen që i ka dhënë prej kohësh Izraelit.

Çështja nëse do t’i ofrohet anëtarësimi në NATO Ukrainës pritet të jetë në krye të axhendës kur liderët e bllokut të mblidhen për një samit në kryeqytetin lituanez Vilnius këtë javë.

Subscribe në YouTube: GAZETA INFOKUSI
BKT Kosova lanson Kredinë për Ekonominë Qarkore – e para dhe e vetmja e këtij lloji në Kosovë
-Advertisement-

Të tjera

Fokusi

lajme