Biden pas atentatit ndaj Trump, ndërpret fushatën e rikthehet me urgjencë në Shtëpinë e Bardhë, mbledh Këshillin e Sigurisë
Autori: Gazeta inFokus 10:26 | 14 July 2024
Presidenti amerikan Joe Biden ndërpreu fundjavën dhe fushatën elektorale, duke u rikthyer me urgjencë në Uashington, pas atentatit ndaj Donald Trump. Shtëpia e Bardhë tha në një deklaratë se “Presidenti Biden do të niset nga shtëpia e tij e plazhit në Rehoboth për në Uashington mbrëmjen e së shtunës”.
Presidenti Joe Biden dënoi sulmin ndaj Trump duke theksuar se “të gjithë duhet ta dënojnë” atentatin e dyshuar ndaj ish-presidentit dhe shtoi se shpreson të flasë së shpejti me rivalin e tij.
Duke iu drejtuar vendit rreth dy orë pas ngjarjes, Biden tha se ndjehej i lehtësuar që sipas njoftimeve Trump “është mirë”. Ai shtoi se nuk kishte mundur të fliste me ish-presidentin Trump përpara se të bënte komentet para vendit dhe u zotua se do të informojë publikun nëse arrin të bisedojë me të dhe nëse merr detaje shtesë rreth hetimit.
“Ne nuk mund të lejojmë që të ndodhin gjëra të tilla. Ideja se mund të ndodhë një dhunë e këtij lloji në Amerikë është e pabesueshme”.
Presidenti Biden, tha se po priste informacion shtesë përpara se ta quante zyrtarisht sulmin një tentativë për vrasje ndaj ish-presidentit. “Unë kam mendimin tim, por nuk kam fakte,” u tha ai gazetarëve, duke u zotuar të se do të japë informacione shtesë kur t’i marrë ato.
Presidenti foli nga qyteti bregdetar Rehoboth i shtetit Delauerë, ku po kalonte fundjavën.
Biden mori “informacionin fillestar” nga këshilltarët e tij pas të shtënave dhe më pas mblodhi zyrtarët e sigurisë për një përditësim më të detajuar nga Kimberly Cheatle, drejtoresha e Shërbimit Sekret të Shteteve të Bashkuara, Sekretari i Sigurisë Kombëtare Alejandro Mayorkas dhe këshilltarja e Shtëpisë së Bardhë për Sigurinë, Liz Sherwood-Randall.
Pas incidentit, fushata e Biden tha se po ndalte të gjitha mesazhet për përkrahësit e tij dhe se do të tërhiqte të gjitha reklamat televizive.
Zv/Presidentja Kamala Harris tha në një deklaratë se edhe ajo ishte informuar, duke shtuar se ajo dhe bashkëshorti i saj “ndjehen të lehtësuar” që zoti Trump nuk ishte lënduar rëndë.
“Ne lutemi për të, familjen e tij dhe të gjithë ata që janë lënduar dhe prekur nga ky sulm i pakuptimtë,” tha ajo. /balkanweb/
Të tjera
-
Gashi për bisedën e Kusari-Lilës me Radoiçiqin: Është tmerri i demokracisë në Kosovë
Arben Gashi, shef i grupit parlamentar të LDK-së, ka komentuar deklarimin e M...
-
Mangani ende i pranishëm në Badoc, ujësjellësi tregon oraret e shpërndarjes së ujit
Rritja e nivelit të manganit në Liqenin e Badocit, ka ngjallë problem te qyte...
-
Nervozohet Mimoza Kusari-Lila, Haki Abazi vendos shirita “danger” në Kuvend
Shefja e Grupit Parlamentar të LVV-së, Mimoza Kusari-Lila ka folur me tone të...
-
Jakup Krasniqi mbërrin te varri i vëllait të tij në Negroc
Ish-kryetari i Kuvendit të Kosovës, Jakup Krasniqi, ka mbërritur në fshatin N...
-
Tahiri: Nuk do bashkëpunojmë me LVV në asnjë rrethanë
Sot Kuvendi i Kosovës po mban seancën e radhës, ku në rend dite është votimi ...
-
Kusari: Kam dorëzuar padi ndaj Slavko Simiq, inçizimet janë të fabrikuara
Shefja e Grupit Parlamentar e Lëvizjes Vetëvendosje, Mimoza Kusari-Lila ka mo...
-
Mbërrin në Aeroportin e Rinasit Presidenti turk Erdogan
Ka mbërritur në Aeroportin e Rinasit Presidenti turk Recep Tayyip Erdogan. ...
-
Osmani takohet me Kasanof sot në ora 16:00
Presidentja e Republikës së Kosovës, Vjosa Osmani, sot do ta presë në takim Z...
-
Kusari-Lila: Biseda me Radoiçiqin e montuar, vetëm një herë kam biseduar me të dhe atë në shqip
Shefja e Grupit Parlamentar e Lëvizjes Vetëvendosje, Mimoza Kusari-Lila është...
-
“Vetura luksoze, prona”, ambasadori britanik i habitur me stilin e jetesës së shtrenjtë në Kosovë
Ambasadori britanik në Kosovës, Jonathan Hargreaves ka thënë se është habitu...
-
Tahiri: Aludohet se ka deputetë të tjerë që kanë folur pas shpinës së Kosovës, ashtu si Kusari-Lila
Shefi i Grupit Parlamentar i PDK-së, Abelard Tahiri është shprehur se legjisl...
-
Haradinaj: Kosovën po e udhëheq spiuni i Serbisë
Kreu i AAK-së, Ramush Haradianj ka thënë se kryeministri Albin Kurti është nj...