Lajme

Biden: Dua që anëtarësimi i Ukrainës në NATO të miratohet ‘në një orë’, por pas luftës

Autori: Gazeta inFokus 18:36 | 12 July 2023

Joe Biden jep miratimin për anëtarësimin e Ukrainës në NATO, por pas luftës. Ai tha se e kupton zhgënjimin e Volodymyr Zelensky për të mos marrë ndihmën që i nevojitet.

Para se të nisej për në Evropë, Biden tha në një intervistë për CNN se ai nuk mendon se tani është koha e duhur që Ukraina të anëtarësohet në NATO. Nëse do të bashkohej tani, “ne do të ishim në luftë me Rusinë,” shpjegoi ai.

I pyetur nga një gazetar se sa shpejt pas luftës do të dëshironte që Ukraina të anëtarësohej në NATO, Biden u përgjigj: Për një orë e 20 minuta.

-Advertisement-

Gjatë takimit të tij me Zelensky ai ka thënë se mezi pret ditën kur ai do të mirëpresë vendin e tij në NATO, në një përpjekje për të zbutur komentet e tij të fundit se tani nuk është koha që Kievi të aplikojë për anëtarësim në Aleancën e Atlantikut të Veriut.

“Guximi dhe vendosmëria juaj kanë qenë një model për të gjithë botën,” i tha Biden Zelenskyt, gjatë takimit të tyre në margjinat e samitit të NATO-s në Vilnius.

Presidenti i SHBA tha se e kuptonte zhgënjimin e liderit ukrainas që nuk mori ndihmën që i nevojitej shpejt. “Unë ju premtoj se SHBA po bën gjithçka që mundet për të marrë atë që ju nevojitet,” i siguroi ai gazetarët. “Mezi pres ditën kur ne festojmë anëtarësimin tuaj zyrtar në NATO,” shtoi ai. /Abc news

Subscribe në YouTube: GAZETA INFOKUSI