Lajme

Betohen 20 kadetë të rinj të FSK-së

Autori: Gazeta inFokus 20:06 | 20 September 2024

Ministri i Mbrojtjes, Ejup Maqedonci, ka bërë të ditur se sot 20 kadetë të Forcës së Sigurisë së Kosovës (FSK) kanë nisur rrugëtimin e tyre si oficerë të ardhshëm.

Maqedonci, në një postim në Facebook, ka shkruar se ndihet krenar dhe i emocionuar teksa sheh rritjen dhe zhvillimin e ushtrisë së Kosovës

“Sot po filloni një etapë të rëndësishme në jetën tuaj, jo të lehtë por tejet të rëndësishme për ju dhe për ngritjen e kapaciteteve profesionale të ushtrisë. Katër vjetët e ardhshme do të ndërtojnë bazamentin tuaj jetësor në aspektin fizik e mendor. Do të keni rastin që nga eprorët tuaj të mësoni teknikat e luftimit dhe të fushëbetejës që zbatohen si për veten e tuaj ashtu edhe për grupin që do të udhëhiqni”, ka shkruar Maqedonci.

-Advertisement-

Ai ka theksuar se në këtë kohë sfidash për sigurinë globale dhe vendore, zhvillimi i kapaciteteve ushtarake është esenciale.

“Si ministër i Mbrojtjes së bashku me komandantin e FSK-së, gjenerallejtënant Bashkim Jashari me përkrahjen e Qeverisë jemi duke bërë përpjekje të vazhdueshme për investimin në ngritjen e kapaciteteve profesionale të ushtarakëve krahas investimit në armatime. Ju siguroj që do të keni gjithmonë përkrahjen time dhe të Qeverisë”, ka përfunduar ai.

Subscribe në YouTube: GAZETA INFOKUSI
Etiketa:
BKT Kosova vazhdon përkushtimin ndaj gjithëpërfshirjes duke dhuruar një furgon për të mbështetur fëmijët me nevoja të veçanta
-Advertisement-

Të tjera

Fokusi

lajme