Lajme

Besnik Tahiri nga Kuvendi: LVV po e shkel Kushtetutën, nuk ka asnjë lëvizje, asnjë njoftim për vazhdimin e seancës

Autori: Gazeta inFokus 12:13 | 10 August 2026

Deputeti i Aleancës për Ardhmërinë e Kosovës (AAK), Besnik Tahiri, ka akuzuar Lëvizjen Vetëvendosje për shkelje të Kushtetutës dhe Rregullores së Kuvendit, pasi edhe 48 orë pas ndërprerjes së seancës nuk është caktuar vazhdimi i saj për konstituimin e Kuvendit.

Në një video të publikuar nga ambientet e Kuvendit të Kosovës, Tahiri tha se në këtë kohë do të duhej të vazhdonte seanca konstituive, por deputetët nuk kanë marrë asnjë ftesë.

“Qytetarë të Kosovës, po ju drejtohem nga Kuvendi i Kosovës. Në këtë kohë është dashur të fillojë vazhdimi i seancës për konstituimin e Kuvendit, por ne nuk kemi asnjë ftesë. Është shkelur Rregullorja e Punës së Kuvendit, konkretisht neni 12, pika 5. Është shkelur edhe aktgjykimi i Gjykatës Kushtetuese dhe e them me përgjegjësi të plotë se ky Kuvend është bërë një vend muzeal”, deklaroi Tahiri.

-Advertisement-

Ai tha se në objektin e Kuvendit nuk ka asnjë aktivitet, pavarësisht deklarimeve se ai është hapur për bashkatdhetarët.

“Shikoni, nuk ka askënd. Thonë se janë hapur zyrat dhe Kuvendi për vëllezërit dhe motrat tona të diasporës, por nuk ka asnjë lëvizje të vetme. Mund ta shihni vetë se cila është situata në Kuvend”, u shpreh Tahiri./Gazeta Infokus

Bletaria Haxhia – Tradita familjare dhe përkushtimi ndaj bletarisë sjellin mjaltë natyral e cilësor në tryezat tuaja
-Advertisement-

T� tjera

Ky website përdor cookies. Duke vazhduar përdorimin, ju pranoni përdorimin e tyre.

Privacy policy