Lajme

Berisha: “Zajednica” kalon, njohja nuk kalon

Autori: Gazeta inFokus 12:21 | 26 February 2023

Ish-zëvendësministri i Punëve të Jashtme dhe zyrtari i LDK-së, Anton Berisha ka bërë një analizë dhe krahasim mes Albin Kurtit opozitar dhe atij në pushtet.

Sipas tij, “politika e Albin Kurtit në opozitë ishte mohimi i çdo të arriture dhe pengimi i proceseve duke u thirrur në shqiptarizëm, në qëndrueshmërinë dhe nderin kombëtar që me Serbinë as që duhet të dialogohet përderisa ajo nuk kërkon falje dhe nuk përmbush kushtet që i rendiste në letër e ligjërime, por duhej realizuar projekti i madh i bashkimit kombëtar”.

Ndërkohë, ai tashmë shprehet se “politika e Albin Kurtit kryeministër është mosnjohja nga asnjë shtet, degradim deri në acarim të raporteve me SHBA dhe BE, asnjë kusht i plotësuar nga Serbia, forcim i Serbisë brenda territorit tonë verior, proces dialogues në të cilin Serbia për herë të parë del si palë bashkëpunuese dhe në krahë të SHBA përderisa qeveritarët e Kosovës nuk iu mundësohen vizitat në SHBA”.

-Advertisement-

“Krejt në fund, ZAJEDNICA kalon e NJOHJA nuk kalon”, shkroi ish-ambasadori kosovar në Slloveni, me anë të një postimi në Facebook.

Nesër, Kurti dhe Vuçiq janë ftuar në Bruksel për të diskutuar rreth planit të BE-së.

Kryeministri i Kosovës ka thënë se një plan i tillë e ka brenda njohjen de fakto dhe është bazë e mirë për bisedime të mëtutjeshme.

Subscribe në YouTube: GAZETA INFOKUSI
UNI-Universum International College rankohet me sukses në Times Higher Education Impact Rankings 2024
-Advertisement-

Të tjera

Fokusi

lajme