Sport

Benzema po përgatitet për rikthimin në Europë

Autori: Gazeta inFokus 10:17 | 30 Maj 2024

Karim Benzema do të largohet nga Arabia Saudite vetëm pas një viti qëndrim te skuadra Al Ittihad.

Sulmuesi francez ka kontratë me klubin saudit edhe për dy vite, por ai nuk është i lumtur në Lindjen e Mesme, pasi ka pasur probleme me klubin dhe trajnerin.

Edhe pse se ka luajtur në 33 ndeshje në të gjitha garat duke shënuar 16 gola, Benzema nuk dëshiron të mbetet në elitën e futbollit arab.

-Advertisement-

Gjiganti turk Fenerbahce po tenton ta bind francezin për tu rikthyer në Europë dhe për këtë ka nisur kontaktet e para me menaxherin e tij.

Sipas gazetës turke “Aksam News”, ekziston një mundësi e madhe që Benzema t’i bashkohet gjigantëve turq.

Ky transferim i mundshëm varet nga rezultati i zgjedhjeve të klubit, me bordin e Ali Koçit që është çelësi për të siguruar nënshkrimin e Benzemas.

Megjithatë skuadra turke nuk dëshiron që të paguajë më shumë se 15 milionë euro për transferimin e tij nga Al Ittihad dhe mbetet të shihet nëse klubi arab do ta lejojë largimin e francezit.