Lajme

BBC: Shefi i CIA-s diskutoi më së shumti për Kosovën gjatë vizitës në Serbi

Autori: Gazeta inFokus 09:04 | 26 August 2024

Vizita e shefit të CIA-s, William Burns në vendet e Ballkanit Perëndimor, vazhdon të jetë ende temë diskutimi.

Në vizitën e tij të paparalajmëruar Burns fillimisht vizitoi Bosnje e Hercegovinën, pastaj Serbinë dhe Kosovën.

BBC raporton se në takimet që pati në Serbi, shefi i CIA-s më së shumti u fol për Kosovën.

-Advertisement-

“Temat me zyrtarët serbë kanë qenë më shumë politike sesa inteligjencë dhe në takime më së shumti është diskutuar për Kosovën, mëson jozyrtarisht BBC”, shkruan BBC.

Kosova ishte destinacioni i fundit i këtij turneu të Burns-it.

Në Prishtinë, më 22 gusht, ai u takua me presidenten e Kosovës, Vjosa Osmani, kryeministrin Albin Kurti dhe kreun e Agjencisë së Inteligjencës së Kosovës (AKI), Petrit Ajeti.

Osmani publikoi një fotografi me të.

“Aleanca me SHBA-të është garancia për siguri, paqe dhe sukses,” shkroi Osmani në Facebook, duke shtuar se ishte kënaqësi të mirëpriste Burnsin në Kosovë.

Kryeministri Albin Kurti gjithashtu e falënderoi publikisht për mbështetjen e Kosovës, duke publikuar fotografi nga, siç e quajti ai, “takimi strategjikisht i rëndësishëm.”

Subscribe në YouTube: GAZETA INFOKUSI
Etiketa:
BKT Kosova vazhdon përkushtimin ndaj gjithëpërfshirjes duke dhuruar një furgon për të mbështetur fëmijët me nevoja të veçanta
-Advertisement-

Të tjera

Fokusi

lajme