Edhe kjo kërkesë iu plotësua.

Veteranët e UÇK-së shumë shpejtë do të udhëtojnë për në deti.

Kjo u vendos të martën në mbledhjen e Qeverisë së Kosovës, ku u miratua kërkesa e Organizatës së Veteranëve të Luftës së UÇK-së.

Përmes kësaj kërkese 1,500 ish bashkëluftëtarë të kryeministrit do të shkojnë në deti ndërsa 300 të tjerë në rehabilitim në bajë.

E për këto dy ‘pushime’, Qeveria e Kosovës ka ndarë 343 mijë euro, shkruan Infokusi.com.

Kryetari i Organizatës së Veteranëve të Luftës së UÇK, Hysni Gucati, në një prononcim dhënë Infokusit ka thënë se është i kënaqur dhe falënderon Qeverinë e Kosovës për këtë miratim.

“E kam cekur edhe më parë së besoj në punën e kryeministrit, Ramush Haradinaj për realizimin e kërkesës për rehabilitim të veteranëve. E falënderoj shumë Qeverinë dhe Institucionet që të paktën moralisht veteranëve të luftë u kanë ofruar përkrahje”, ka thënë ai.

Gucati ka thënë gjithashtu se Haradinaj ktheu kokën nga Ish ushtarët e tij

“Haradinaj si gjeneral ka kthyer kokën nga shokët dhe ushtarët e tij të luftës”, ka thënë ai.

I pari i OVL-së ka thënë gjithashtu se veç 300 mijë eurove për deri, Qeveria ka ndarë edhe 43 mijë për tjera për rehabilitim në bajt.

“Të dy kërkesat janë miratuar, për deti janë ndarë 300 mijë euro ndërsa për deti rreth 43 mijë euro”, ka thënë ai për Infokusin.

Ndërsa i pyetur për hapat që do të ndërmerren tutje dhe mënyrat e përzgjedhjes së veteranëve, ai ka thënë se kryetarët e degëve do ti caktojnë ata që kanë më shumë nevojë për rehabilitim.

“Këtë javë do të bisedoj me kryetarët e të gjitha degëve të Kosovës dhe do të filloj selektimi veteranëve. Do të përzgjidhen ata që kanë probleme shëndetësore dhe të moshës më të shtyre”, ka thënë ai.

E për procedurat pas përzgjedhjes së veteranëve, Gucati ka thënë se do ti fillojnë pasi ti marrin paratë nga Qeveria.

“Në momentin që e pranojmë vendimin dhe i marrim paratë do të fillojmë me rezervimin e hotelit”, ka përfunduar Gucati.

Kërkesa e OVL-UÇK për deti

Kohë më parë Organizata e  Veteranëve të Luftës së UÇK-së ka bërë kërkesë zyrës së kryeministrit të Kosovës, Ramush Haradinaj për rehabilitimin e 1800 veteranëve.

Infokusi ka kontaktuar ditë më parë me kryetarin e OVL-së  Hysni Gucatin, cili ka thënë se problemet shëndetësore dhe kushtet jo të mira materiale kanë shtyrë që ti bëhet një kërkesë e tij Qeverisë.

“Ne kemi bërë një kërkesë në zyrën e kryeministrit të Kosovës për rehabilitimin e veteranëve, i dërgojmë  banjë, një pjesë të veteranëve. Numri i veteranëve që planifikojmë ti dërgojmë në banjë është rreth 300″. E 1,500 veteranë të tjerë janë për deti, kryesisht janë veteranë që nuk kanë kushte të tjera materiale dhe jetojnë me nga 170 euro”, ka thënë Gucati.

Ai ka thënë gjithashtu se shuma që ata kërkojnë nga Qeveria e Kosovës është rreth 360 mijë euro, 300 mijë për deti e 60 mijë për bajë.

“Për deti kemi planifikuar 300.000 euro ndërsa për banjë rreth 60.000 euro”, ka thënë Gucati.

E Qeveria e Kosovës në mbledhjen e sotme ka miratuar kërkesën e OVL-së, duke bërë të ditur se do t’u paguaj pushimin në bregdetin e Shqipërisë, 1500 veteranëve .

Kryeministri i vendit, Ramush Hardinaj tha se ky pushim do të jetë një lloj rehabilitim për ta.

“1500 veteranë, shuma është 300 mijë euro. Kam pas bisedë me veteranët. Është shtuar numri i aksidenteve me fatalitet i vetëvrasjeve të veteraneve. Ata e kanë shpreh këtë kërkesë si ndërhyrje një lloj rehabilitimi”, ka thënë i pari i Qeverisë. (Agnesa Citaku) /INFOKUSI

Përsëri në shkollë me Viva Fresh Store!  

Sponsoruar