Lajme

Bashkatdhetarët vazhdojnë të përballen me kolona të gjata në hyrje të Kosovës, kjo është situata momentale

Autori: Gazeta inFokus 21:53 | 25 July 2024

Ardhja e bashkatdhetarëve nga vendet e ndryshme të Evropës ka shkaktuar pritje dhe kolona të gjatë në kufirin Kosovë-Serbi.

Sipas Qendrës Kombëtare për Menaxhim Kufitar, në përditësimet e fundit që janë bërë në orën 21:09, pritje më të gjata për të hyrë në Kosovë ka në pikën kufitare Dheu i Bardhë, shkruan Zeri.info.

Sipas këtyre të dhënave, në këtë pikëkalim kufitar kolona është e gjatë 800 metra dhe qytetarët janë duke pritur mbi dy orë, më saktësisht 130 minuta, ndërkaq në dalje të Dheut të Bardhë pritja është njëorëshe dhe kolona është 300 metra.

-Advertisement-

Pritje ka edhe në Merdar si në hyrje ashtu edhe në dalje të Kosovës, shkruan Zeri.info.

Plot një orë ë gjysmë po presin qytetarët për të hyrë në Kosovë.

Sipas të dhënave të fundit, kolonë ka edhe në pikën kufitare Muçibabë, veçse edhe në këtë pikë kufitare pritja më e madhe është për të dalë nga Kosova e jo për të hyrë në Kosovë. Deri në gjysmë ore është pritja për të hyrë në Kosovë, kurse deri në dy orë për të dalë nga Kosova, raporton Zeri.info.

Sipas QKMK-së, nëpër të gjitha pikat e tjera kufitare, sikurse në hyrje ashtu edhe në dalje pritja nuk është më e madhe se 10 minuta.

KËTU mund t’i shikoni drejtpërdrejt pikat kufitare.

 

Image

Subscribe në YouTube: GAZETA INFOKUSI
UFC EKSKLUZIVISHT NË ARTMOTION!
-Advertisement-

Të tjera

Fokusi

lajme