Sport

Barry hyn në histori, barazon rekordin e Giggsit

Autori: Gazeta inFokus 15:49 | 16 September 2017

Mesfushori anglez, Gareth Barry ka shënuar emrin e tij me shkronja të arta në futbollin anglez duke barazuar rekordin e legjendës Ryan Giggs për më shumë ndeshje të luajtura në kampionat.

Emri i Barryt do të mbahet gjatë në mend nga tifozët dhe futbolldashësit e kampionatit anglez, Ligës Premier.

Kjo pasi, anglezi 36-vjeçar ka barazuar rekordin e madhe të legjendës së Djajve të Kuq, Giggs, i cili deri më sot mbante rekordin absolut me 632 paraqitje në kampionat.

-Advertisement-

Barry dhe Giggs tani ndajnë së bashku rekordin për më shumë paraqitje në histori të Ligës Premier

Barazimi i rekordit të Barryt u bë i mundur pasi gjendet në formacionin titullar të skuadrës së tij West Bromëich Albion që luan sot (e shtunë) nga ora 16:00 ndaj West Hamit.

Barry dhe Giggs tani ndajnë rekordin për lojtarin që ka më shumë paraqitje në Ligën Premier, ndërsa vendi i tretë mbahet nga ish-ylli i Chelseat, Frank Lampard me 609 paraqitje.

36-vjeçari anglez ka pasur karrierë të bujshme në Angli duke luajtur për shumë skuadra të mëdha si Aston Villa, Manchester City, Everton dhe tani WBA.