Sport

Barcelona e dobët për Bayern Munchenin, ‘bavarezët’ fitojnë lehtësisht në ‘Camp Nou’

Autori: Gazeta inFokus 22:50 | 14 September 2021

Skuadra e Bayern Munchenit e ka nisur mbarë aventurën në edicionin e ri të Ligës së Kampionëve, shkruan Gazeta inFokus.

‘Bavarezët’ pa ndonjë problem e kanë mposhtur në udhëtim Barcelonën me rezultat të pastër 3-0.

Në takimin e zhvilluar në ‘Camp Nou’, golat për mysafirët i realizuan Thomas Muller (33’) dhe Robert Lewandowski 2x (56’ dhe 85’).

‘Katalunasit’ nuk arritën dot ta rrezikonin asnjëherë seriozisht portën e ekipit gjerman dhe kësisoj pësuan humbje para publikut të vet.

Pas kësaj fitoreje, Bayern Muncheni renditet i pari në Grupin E me 3 pikë, kurse Barcelona pozicionohet e fundit me zero sosh.

Ndeshjen e radhës ‘bavarezët’ e luajnë në shtëpi përballë Dynamo Kyivit, kurse ‘blaugranët’ në udhëtim te Benfica./Gazeta inFokus/

Të tjera