Sport

Barça përgatit blerjen e parë për 2025: Deco takoi Tah dhe agjentin e tij

Autori: Gazeta inFokus 09:55 | 06 December 2024

Barcelona, lideri aktual i La Ligës me katër pikë epërsi ndaj Real Madridit, po shijon një fillim të jashtëzakonshëm të sezonit 2024-2025.

Pavarësisht momentit të mrekullueshëm, drejtuesit e Blaugranas tashmë po shikojnë drejt së ardhmes dhe duket se janë gati të mbyllin blerjen e parë për verën e vitit 2025.

Sipas medias spanjole Jijantes , Barça ka arritur marrëveshje me Jonathan Tah, qendërmbrojtësi i Bayer Leverkusen. Deco, drejtor sportiv i klubit katalanas, thuhet se shkoi në Leverkusen për të takuar lojtarin dhe agjentin e tij.

-Advertisement-

Takimi i zhvilluar në një restorant të qytetit do të kishte pasur një rezultat pozitiv, ku të dyja palët ishin të kënaqura me marrëveshjen e arritur.

Tah, 28 vjeç, ka qenë një shtyllë për Bayer që nga viti 2015 dhe ka kontribuar vendimtar në fitoren e tyre në Bundesligë sezonin e kaluar. Me 33 paraqitje për kombëtaren gjermane dhe një gol në 21 ndeshje këtë vit, mbrojtësi pritet të mbërrijë në Barcelonë si transferim i lirë.

Për Barçën, e cila vazhdon të menaxhojë me kujdes vështirësitë ekonomike, ky është një operacion strategjik për të forcuar një skuadër tashmë konkurruese dhe për të garantuar qëndrueshmëri në mbrojtje.