Sport

Barça – Las Palmas, mesazhet ‘e fshehta’ që klubet i dhanë me fanellat e tyre (Foto)

Autori: Gazeta inFokus 14:31 | 02 October 2017

Barcelona fitoi ndaj Las Palmas në La Liga 3-0.

Kjo ndeshje vazhdon të komentohet për faktin pasi takimi në Camp Nou u luajt prapa dyerve të mbyllura dhe pa tifozë.

Kjo pasi në krahinën e Katalunisë është duke u zhvilluar referendumi për pavarësim nga Spanja dhe në rrugët e qytetit të Barcelonës ka shpërthyer kaosi.

-Advertisement-

Barça kishte kërkuar që ndeshja të shtyhet për një datë tjetër, por kjo ishte refuzuar nga Federata e Spanjës, duke kërcënuar klubin katalunas që do t’i hiqen gjashtë pikë në tabelë.

Përveç lojës në fushën e blertë, Las Palmas dhe Barcelona, kanë bërë një ‘lojë të fshehtë’ nëpërmjet fanellave.

Vendasit fotografinë zyrtare ekipore të takimit e kanë bërë me fanellat e stërvitjes dhe këtë nuk ka kë bërë asnjëherë më parë. Arsyeja?

Kjo pasi fanellat stërvitore janë me ngjyrat e flamurit të Katalonis dhe Barça e bëri këtë për të mbështetur referendumin dhe qytetarët që kërkojnë ndarjen nga Spanja.

Por, të kundërtën e bëri Las Palmas. Klubi nga ishulli i kërkoi Federatës së Futbollit që të mbajë në fanellë flamurin spanjoll.

E gjitha kjo për të treguar mbështetjen e tyre për shtetin e pandarë të Spanjës dhe për këtë nuk u ankua klubi i Barcelonës, pasi nuk dëshironin të bënin më shumë politikë me këtë takim.

Subscribe në YouTube: GAZETA INFOKUSI