Sport

Balotellit ia ‘vjedhin’ veturën luksoze

Autori: Gazeta inFokus 18:32 | 04 December 2017

Një shaka e mirorkestruar e emisionit të njohur televiziv “Le Iene” arriti të bënte protagonist sulmuesin e njohur Mario Balotelli.

“Hienat” e televizionit të Apenineve, me bashkëpunimin e vëllait të futbollistit të Nicës, arritën të futin në kurth lojtarin me ngjyrë, duke e bërë të besojë se vëllai ishte përfshirë në trafik diamantesh me një bandë.

Mario Balotelli ra prè e shakasë, duke nisur tratativat me bandën, por gazetarët kishin përgatitur gjithashtu inskenimin e vjedhjes së makinës luksoze.

-Advertisement-

Pikërisht kjo bëri që Supermario të tradhtohet nga nervat, duke sulmuar fizikisht një prej aktorëve.

Në fund, futbollisti u njoh me të gjithë skenarin, por ajo çfarë treguan kamerat ishte karakteri i vështirë i Supermarios, ashtu si shpeshherë në fushat e lojës.