Lajme

Bajrami: Koeficienti të jetë 125, sepse me koeficientin e vendosur nga Qeveria s’ka rritje reale të pagave

Autori: Gazeta inFokus 11:16 | 02 February 2023

Deputetët e Kuvendit të Kosovës janë mbledhur sot për të zhvilluar seancën e radhës plenare.

Me këtë rast, gjatë deklarimeve jashtë rendit të ditës, deputetja nga radhët e Lidhjes Demokratike të Kosovës, Hykmete Bajrami ka kërkuar nga deputetët që ta përkrahin amendamentin e propozuar nga kjo parti qe vlera monetare e koeficientit të pagave të jetë 125 euro, e jo 105 sa vendosi dje Qeveria.

Hykmete Bajrami tha se ata të cilët kanë bërë kalkulime dhe se kjo do të ishte një kosto vjetore prej 120 milionë eurove.

-Advertisement-

Me koeficientin që e vendosi dje Qeveria, Bajrami tha se s’ka rritje reale të pagave.

“Ne sot me këtë koeficient, s’kemi rritje reale të pagave. Ne mund të kemi një rritje të lehte nominale, por e cila asesi nuk e adreson normën e inflacionit. LDK ka shikuar buxhetin, ka bërë të gjitha kalkulimet dhe ne propozojmë të paraqesim amandament qe koeficienti i pagave të jetë  125 euro. Kjo kërkon një kosto vjetore prej 120 milionëve dhe është shumë më pak sesa masat e Qeverisë që i ka nda vitin e kalum pa asnjë efekt. Ne ju bëjmë thirrje deputetëve të këtij Kuvendi që ta përkrahin amandamentin”, tha deputetja Bajrami.

Subscribe në YouTube: GAZETA INFOKUSI
Për Festën e Bajramit, ZBRITJE deri n’KUPË t’QIELLIT!
-Advertisement-

Të tjera

Fokusi

lajme