Avokatja e viktimave kërkon dëmshpërblim, mbrojtja e Mustafës thotë se ai duhet të shpallet i pafajshëm
![](https://gazetainfokus.com/wp-content/uploads/2022/09/salih-mustafaaaa1-852x460.jpg)
Autori: Gazeta inFokus
17:45 | 15 September 2022
Viktimat që pretendojnë se janë keqtrajtuar nga Salih Mustafa po kërkojnë kompensim dhe trajtim individual, nëse gjykata e shpall atë fajtor. Avokatja e viktimave në çështjen kundër Mustafës, ka thënë se ndaj viktimave është bërë padrejtësi dhe gjykata duhet ta njoh këtë. Me këtë nuk është pajtuar mbrojtja e Mustafës, e cila ka papërsëritur qëndrimin e tyre se Salih Mustafa nuk ka kryer krime dhe udhët të shpallet i pafajshëm.
Sipas Anni Pues, viktimat duhet të trajtohen individualisht.
“Ne i kërkojmë trupit gjykues të urdhëroj të akuzuarin të paguajë dëmshpërblim viktimave pjesëmarrëse një nda një dhe të urdhërojë konfiskimin e çdo pasurie apo të ardhurash të cilat janë ardhur si rezultat i kryerjes së një krimi, me qëllim që ato të shiten dhe t’u jepen të gjitha viktimave”, ka thënë Pues.
Ajo madje i ka bërë thirrje Qeverisë së Kosovës të sigurojë që viktimat të marrin zhdëmtim.
“Është detyrim ligjor i të akuzuarit të paguajë zhdëmtimet nëse urdhërohet të bëjë këtë gjë, megjithatë siç ndodhë shpesh në raste të tilla, mund të jetë shumë apo jashtëzakonisht e vështirë të zbatohet urdhrat e zhdëmtimit kundër të akuzuarit, kjo do t’i linte viktimat me urdhër në letër por pa asnjë rezultat të prekshëm që mund të bënte një dallim ose mund të sillte një ndryshim në situatën e tyre. Në gjykatën ndërkombëtare penale ky problem është kompensuar përmes një fondi për viktimat, një fond besimi për viktimat, një gjë e tillë nuk ndodh në rastin e kësaj gjykate. Dua të përfitoj nga rasti t’i bëj thirrje Qeverisë së Kosovës dhe komunitetit ndërkombëtar për të siguruar që viktimat të kenë mundësi të gëzojnë të drejtat e tyre për zhdëmtim”, ka thënë ajo.
Ndërsa, mbrojtja e Salih Mustafës nuk i është përgjigjur mbrojtjes së viktimave veçse ka deklaruar që qëndrimi i Salih Mustafës është se ai nuk ka kryer asnjë krim.
“Zotëri Mustafa që në fillim i ka mohuar akuzat e ngritura kundër tij dhe qëndrimi i ynë është që ai duhet të shpallet i pafajshëm, për këtë arsye ne nuk do t’u përgjigjemi në mënyrë thelbësore mbrojtëses së viktimave. Kjo nënkupton qëndrimi i zotit Mustafa që ai nuk ka kryer asnjë prej këtyre veprave penale dhe nuk ka dëmshpërblim për t’u bërë viktimave. Kjo rrjedh nga qëndrimi që kemi mbajtur ne gjatë kësaj çështje”, ka thënë avokati von Bone.
Gjyqi ndaj Mustafës është në përfundim dhe prokuroria ka kërkuar që ai të shpallet fajtor për të gjitha pikat e aktakuzës dhe të marrë dënim me burgim prej 35 vjet.
Kurse, mbrojtja e Salih Mustafës ka mohuar të gjitha akuzat dhe ka kërkuar lirim sa më të shpejtë të tij nga paraburgimi dhe i ka kërkuar trupit gjykues ta shpallë atë të pafajshëm.
Në fillim të këtij procesi Salih Mustafa, ndaj të cilët rëndojnë akuza me pretendimin për krime lufte, ishte deklaruara i pafajshëm para trupit gjykues.
Sipas Dhomave të Specializuara “Aktakuza e konfirmuar përcakton se afërsisht midis 1 prillit 1999 dhe 19 prillit 1999, në një kompleks ndalimi në Zllash, Kosovë, u kryen krimet e ndalimit arbitrar, trajtimit mizor dhe të torturës kundër të paktën gjashtë personave”. Gjithashtu, në aktakuzë thuhet se “në një datë midis 19 prillit 1999, ose rreth kësaj date, dhe rreth fundit të prillit 1999, në atë vendndodhje u vra një i ndaluar”.
Salih Mustafa po qëndron në paraburgim në Hagë prej 24 shtatorit të vitit 2020 kur është arrestuar.
![](https://gazetainfokus.com/wp-content/uploads/2024/04/Foto-Kryesore-1.png)
Të tjera
-
Kurti tallet me opozitën në tubimin e VV-së: Zgjedhjet më 2025, s’mund t’i shtyjnë pafundësisht
Kryeministri i Kosovës, Albin Kurti, ka mbajtur një fjalim para strukturave t...
-
Konjufca në tubimin e VV-së: 19 vjet rrugëtim me beteja politike duke shkuar drejt fitoreve të reja
Nënkryetari i Lëvizjes Vetëvendosje, Glauk Konjufca, në Javën përmbyllëse të ...
-
Lista Serbe i reagon Rashiqit: Nuk të votuan qytetarët
Lista Serbe ka reaguar pas paralajmërimeve të ministrit për Kthim dhe Komunit...
-
Osmani takon kryeministrin holandez: Folëm për rëndësinë e të ardhmes euroatlantike të Kosovës
Presidentja e Kosovës, Vjosa Osmani në Samitin e Paqes është takuar me kryemi...
-
Sonte në Infokus nis emisioni satirik “Lajmet Flesh”, pjesë e tij aktorët Valire Zeneli, Besart Zeneli dhe Muhamet Zeka
Sonte me fillim nga ora 20:00 ekskluzivisht në platformat online të “Infokusi...
-
Aksidẹnt mes një veture dhe motoçiklete në Pejë, lëndohet motoçiklisti
Një aksident mes një veture dhe një motoçikleta ka ndodhur në Pejë, si pasojë...
-
Shkon në 11 numri i të vdẹkurve pas përmbytjes së dy anijeve me emigrantë në Detin Mesdhe
Ka shkuar në 11 numri i emigrantëve të vdekur dhe në 64 i atyre që janë zhduk...
-
Kurti mirëpriti studentë nga Amsterdam University College
Kryeministri i Republikës së Kosovës, Albin Kurti, u takua me grupin e studen...
-
Basha: Berishës i duhet vula e PD-së si mburojë për hallet e tij
Kryetari i PD-së, Lulzim Basha deklaroi sot se Berisha, në vend që të sqarojë...
-
Kush e pengon paqen e qëndrueshme mes Kosovës e Serbisë?
Ishte prilli i vitit 2013 kur Bashkimi Evropian bëri të ditur se Kosova dhe S...
-
Fushata elektorale e Biden, 50 milionë dollarë reklama; theksohet dënimi i Trump
UASHINGTON – Ekipi elektoral i presidentit Joe Biden do të shpenzojë 50 milio...
-
Xhavit Haliti paraqet “disa fakte se nuk kishte plan për vrạsjen e Ibrahim Rugovës në Tiranë”
Xhavit Haliti, një nga themeluesit e Ushtrisë Çlirimtare të Kosovës e ka publ...