Lajme

Avokatja e Jakup Krasniqit – dëshmitarit 5: Dëshmitë në të kaluarën nuk përshtaten me ato të sotme

Autori: Gazeta inFokus 12:11 | 22 May 2023

Avokatja e Jakup Krasniqit po e vazhdon marrjen në pyetje të dëshmitarit numër pesë në Gjykatën Speciale.

Avokatja e Krasniqit e ka pyetur dëshmitarin lidhur me disa dëshmi që ai i kishte dhënë në të kaluarën, e të cilat në disa pika nuk përshtaten me dëshminë e sotme.

Dëshmitari për këtë ia ka lënë fajin përkthimit, raporton Insajderi.

-Advertisement-

Biseda e avokatës së Krasniqit me dëshmitarin:

Avokatja: Kur iu tregua ky dokument ju thatë që nuk iu kujtohej sa ka qenë data kur e keni bërë këtë ankesë?

Dëshmitari: Po, nuk më kujtohet data e saktë.

Avokatja: kjo është ankesë që e keni bërë ti personalisht?

Dëshmitari: Nuk dëgjohet.

Avokatja: Ju thoni që numri 1 është marrë nga UÇK-ja nga shtëpia e tij?

Dëshmitari: Nuk është e vërtetë që është marrë në shtëpi, por ka mujt me ndodhë ndonjë gabim te përkthimi.

Avokatja: E konfirmoni që ai nuk është marrë nga shtëpia?

Dëshmitari: Po

Avokatja: Keni dhënë shumë dëshmi ku keni thënë se keni parë katër veta me maska. A ju kujtohet kjo?

Dëshmitari: Me dy jam ballafaquar më shumë. Por nuk jam i sigurt me i cek me numra saktë.

Avokatja: Bazuar në ankesë, ke thënë që ke parë dy të dyshuar që nuk kishin maska?

Dëshmitari: Nuk janë të dyshuar këta. I njoh të dytë.

Avokatja: Këtu thuhet që pas incidentit kam parë dy të dyshuar pa maska. Dua të konfirmoj që nuk keni parë të dyshuarit pa maska?

Dëshmitari: Po.

Avokatja: Ajo që ke thënë në këtë dokument nuk është e saktë?

Dëshmitari: Nuk është i saktë edhe përkthimi.

Avokatja: Më 22 janar 2003 ke dhënë një dëshmi Në këtë intervistë keni përmendur emrat e personave që dyshoni se kanë qenë ekzekutuesit?

Dëshmitari: Po, kam përmendur dy personat që i kam parë. Kurse të tjerët janë që më kanë thënë pastaj. Dy i kam parë personalisht vetë. 12 dhe 13.

Avokatja: A mund të jetë e saktë që ju nuk i keni parë personat me maska që e kanë marrë numrin 1 , por ju kanë thënë fshatarët?

Subscribe në YouTube: GAZETA INFOKUSI
Etiketa:
Rakinica e Skenderajt bëhet me rrjet të ri elektrik
-Advertisement-

Të tjera

Fokusi

lajme