Lajme

Avokati Musa: Procesi për gjykimin ndaj Thaçit e të tjerëve do të jetë i gjatë

Autori: Gazeta inFokus 18:33 | 18 January 2023

Sot në Gjykatën Speciale është mbajtur seancë përgatitore në lidhje me atë se kur do të nis gjykimi ndaj Hashim Thaçit, Kadri Veselit, Jakup Krasniqit dhe Rexhep Selimit.

Kryetari i trupit gjykues ka bërë të ditur se procesi i gjykimit mund të zgjasë deri në pesë vjet për shkak të numrit të madh të dëshmitarëve dhe provave të shumta materiale.

Kështu ka vlerësuar edhe avokati Skënder Musa si i ftuar në emisionin Info Magazine në Klan Kosova.

-Advertisement-

“Vetë fakti që do të dëgjohen 300 dëshmitarë ashtu siç u tha, tregon se do të jetë një proces i gjatë dhe një proces bukur i rëndë, ku në fakt të gjitha palët që janë pjesëmarrëse në proces, duke filluar prej prokurorit, mbrojtjes, të gjithë kanë të drejtë të marrin në pyetje dhe kanë kohën e tyre që do të caktohet me siguri në muajin mars”.

“Pa asnjë dyshim ka me qenë një proces i gjatë, mendoj me vetë faktin e numrit të madh të dëshmitarëve, por nuk duhet të harrojmë se ka edhe shumë prova tjera materiale, shkresa që marrin kohë shumë të gjatë edhe për mbrojtjen e të akuzuarve, përfaqësuesve të viktimave, por edhe për prokurorin special”.

“Këto ndikojnë jashtëzakonisht shumë në zvarritje të procesit. Me qëllim që të mbrohen të drejtat e të akuzuarve, koha nuk guxon të jetë në pyetje me qëllim që të mos shkelen të drejtat e palëve”.

Subscribe në YouTube: GAZETA INFOKUSI