Avokati i Popullit: Po planifikojmë që të nisim monitorimin e procesit gjyqësor në Hagë
Autori: Gazeta inFokus 09:14 | 14 December 2024
Specialja të enjten e 5 dhjetorit ka arrestuar ish-ministrin e Drejtësisë, Hajredin Kuçin, ish-komandantin e Ushtrisë Çlirimtare të Kosovës, Isni Kilaj, ish-shefin e Agjencisë Kosovare për Inteligjencë, Bashkim Smakaj dhe ish-luftëtarin e UÇK-së, Fadil Fazliu.
E gjithë këtë situatë, avokati Qelaj tha për Ekonomia Online se e kanë përcjell me shqetësim, duke marrë parasysh se personat e arrestuar kanë qenë bartës të shumë proceseve e institucioneve të rëndësishme në Kosovë.
“Ne i kemi përcjell me shqetësim krejt zhvillimet që kanë ndodhur në Dhomat e Specializuara të Gjykatës në Hagë. Natyrisht veprimet e fundit kanë qenë shqetësuese nga se kanë të bëjnë me persona që janë edhe personalitete publike me rëndësi, me peshë në Kosovë, si profesor universitar, pastaj edhe bartës të shumë proceseve e institucioneve të rëndësishme në Kosovë”, ka thënë ai.
Qelaj ka thënë se edhe më shqetësues mbetet fakti se si është duke u vepruar me ekipet mbrojtëse në rastin Thaçi dhe të tjerët që akuzohen për krime lufte, ku javë më parë nëpërmjet një shkrese të ekipeve mbrojtëse është dhënë alarmi se gjyqtarët po tregohen të anshëm.
Bazuar në këtë shkresë, thuhet se trupi gjykues ia ka mbajtur anën Prokurorisë gjatë marrjes në pyetje të dëshmitarëve dhe me këtë rast Hashim Thaçi, Kadri Veseli, Jakup Krasniqi dhe Rexhep Selimi kanë humbur besimin në paanshmërinë e gjyqtarëve të Speciales.
Këtë e kanë shprehur në një letër 12-faqëshe, avokatët e katër të akuzuarve për krime lufte.
Për këtë, Qelaj ka bërë thirrje që institucionet kosovare të drejtësisë të kenë vëmendjen ndaj kësaj situate se mos është duke u cenuar e drejta në mbrojtje.
“Por ajo që për ne ka qenë me shqetësuesja është fakti që po veprohet në raport me ekipet mbrojtëse dhe Gjykata, Prokuroria dhe gjithë institucionet duhet me pas vëmendjen e tyre se mos është duke u cenuar e drejta në mbrojtje sepse kjo besoj pastaj komprometon në tërësi procesin gjyqësor dhe e bënë që të cenoj barazinë e ‘armeve’ në mesë të palëve në procedurë penale që është një prej parimeve kryesore të një gjykimi të drejtë dhe të pa anshëm. Për të mos folur pastaj për kohëzgjatjen e këtij procesi dhe për shumë aspekte të tjera që janë të rëndësishme”, ka thënë ai.
Avokati i Popullit ka thënë se kanë mandat të kufizuar me Dhomat e Specializuara në Hagë, duke nënvizuar mungesën e qasjes së drejtpërdrejt dhe bashkëpunimin me këtë Gjykatë.
Ai tha se si institucion kanë planifikuar që qysh në fillim të vitit të ardhshëm të marrin hapa për monitorimin e disa seancave gjyqësore.
“Por ajo që është kryesorja ne kemi mandat të kufizuar në raport me këtë Gjykatë, kështu që informacionet që i sigurojmë janë burime çfarë i kanë edhe mediat, çfarë i kanë edhe autoritet e tjera dhe kjo është një handikap shumë i madh për ne. Në fillim të mandati tim kam pasur disa takime me kryetarët e Gjykatës, unë i kam vizituar të burgosurit në atë kohë, kam kontaktuar me ta dhe i kam ngritur shqetësimet e mia në raportin vjetor të institucionit të Avokatit të Popullit. Këto shqetësime kanë qenë kryesisht mbi bazën e deklaratave dhe informatave që unë kam arritur që t’i siguroj edhe në takim me kryetarin e Gjykatës dhe stafin e saj dhe të burgosurit. Por, që prej atij momenti deri sot nuk është që ka një komunikim, një aktivitet çfarë do natyre e cila do të konsiderohej si bashkëpunim. Ne monitorojmë, mbikëqyrim procesin për aq sa na lejojnë mundësitë teknike përmes mjeteve të informimit, nuk kemi një kanal të komunikimit zyrtar. Megjithatë, unë besoj që vitin e ardhshëm, qysh në fillim të vitit do të planifikojmë që ndoshta të kemi një monitorim të procesit gjyqësor së paku të disa seancave që të mund të kuptojmë se çfarë në realitet po ndodh në këtë Gjykatë”, ka thënë ai.
Dhomat e Specializuara dhe Zyra e Prokurorit të Specializuar në Hagë, në aktakuzën e re ndaj ish-presidenti Hashim Thaçi dhe ndaj Kuçit, Smakajt, Kilajt dhe Fazliut, i akuzon për vepra penale që lidhen me “pretendime për përpjekje të paligjshme për të ndikuar në dëshmitë e dëshmitarëve në gjykimin e krimeve të luftës Thaçi dhe të tjerët”.
Të tjera
-
Vuçiq: S’pres ndryshime të lehta dhe të mëdha në marrëdhëniet me Kosovën pas ardhjes së Trumpit
Presidenti i Serbisë, Aleksander Vucic, ka folur për rikthimin e Donald Trump...
-
Trafiku i armëve Shqipëri-Kosovë, Gjykata e Tiranës merr njw vendim për të arrestuarit
Pesë personat e arrestuar në Shqipëri për trafik armësh nga Kosova janë lënë ...
-
Ushtria e Kosovës i mbush 6 vjet, Haradinaj: E gatshme të shërbejë për të kontribuuar për paqe e siguri kudo në botë si anëtare e NATO-s
Kandidati për kryeministër Ramush Haradinaj, ka thënë se Ushtria e Kosovës ka...
-
Trump kërkon rrëzimin e tyre, FBI po heton mbi dronët misteriozë mbi bazat ushtarake
Shtetet e Bashkuara janë të shqetësuara për një seri pamjesh misterioze të dr...
-
26 vite nga rënia heroike e Mujë Krasniqit dhe 41 bashkëluftëtarëve të tij
Sot janë bërë 26 vjet nga rënia heroike e komandantit të Brigadës 113 të Zonë...
-
Arrestohen dy ish-pjesëtarë të Policisë në Zubin-Potok, iu gjetën uniforma, armë e dokumente
Dy ish-pjesëtarë të Policisë së Kosovës janë arrestuar në Zubin Potok. Në sht...
-
Më 20 dhjetor mbledhja e përbashkët mes Kuvendit të Shqipërisë dhe Kosovës
Kuvendi i Kosovës dhe ai i Shqipërisë do të zhvillojnë një mbledhje të përbas...
-
Djali raporton në polici se e gjeti të vdekur babain në Mitrovicë
Policia ka nisur hetimet lidhur me një rast vdekje në Mitrovicë, ku djali ka ...
-
Trumpi kërkon t’i jepet fund praktikës së ndryshimit të orës
Presidenti i zgjedhur i Shteteve të Bashkuara, Donald Trump tha të premten se...
-
Gjashtë vjet nga formimi i Ushtrisë së Kosovës
Sot janë bërë gjashtë vjet që kur Forca e Sigurisë së Kosovës u transformua n...
-
“Zyrtari policor humbi kontrollin mbi automjet” – Policia jep informacione për aksidentin me autoblindë
Policia e Kosovës ka dhënë detaje lidhur me aksidentin që ndodhi mbrëmë në ve...
-
Kanadaja thotë se do t’i përgjigjet me forcë tarifave të SHBA
Otava dhe provincat e saj thanë se do të përgjigjen me forcë nëse administrat...