Lajme

Avdullah Hoti: Të gjeturat e NDI-së dëshmojnë dështimin e politikave të LVV-së

Autori: Gazeta inFokus 16:48 | 09 August 2026

Deputeti i LDK-së, Avdullah Hoti, ka publikuar të gjeturat kryesore nga një hulumtim i NDI-së, i realizuar në maj të vitit 2026.

Hoti ka kritikuar qeverisjen e Lëvizjes Vetëvendosje, duke thënë se premtimet e saj në disa fusha kanë qenë mashtrime elektorale.

“Premtimet për drejtësi sociale, eliminim të korrupsionit, shëndetësi e arsim cilësor dhe punësim e të ardhura të sigurta për të gjithë kanë qenë mashtrime elektorale”, ka shkruar Hoti.

-Advertisement-

Sipas të gjeturave të publikuara nga ai, 44% e të rinjve të moshës 18-24 vjeç mendojnë të largohen krejtësisht nga Kosova.

Ndërkaq, Hoti ka theksuar se problemi kryesor lidhet me koston e jetesës.

“Problemi më i madh në Kosovë është kostoja e jetës, që lidhet me çmimin e lartë të mallrave konsumuese dhe çmimin e energjisë elektrike”, thuhet në të gjeturat e publikuara prej tij.

Sipas këtyre të gjeturave, tri vështirësitë kryesore me të cilat përballet familja janë faturat e shërbimeve publike, ushqimet e përditshme dhe kujdesi shëndetësor.

Po ashtu, në mesin e rreziqeve kryesore për demokracinë në Kosovë janë korrupsioni, pabarazia ekonomike dhe mungesa e llogaridhënies së politikanëve.

Ndërsa, politikat më të nevojshme në Kosovë, sipas të gjeturave të publikuara nga Hoti, janë sigurimet shëndetësore, cilësia e shërbimeve shëndetësore, të drejtat e punëtorëve në sektorin privat dhe cilësia e arsimit.

Bletaria Haxhia – Tradita familjare dhe përkushtimi ndaj bletarisë sjellin mjaltë natyral e cilësor në tryezat tuaja
-Advertisement-

T� tjera

Ky website përdor cookies. Duke vazhduar përdorimin, ju pranoni përdorimin e tyre.

Privacy policy