Lajme

Avdullah Hoti akuzon Kurtin: Dëshironi ta kontrolloni Këshillin Prokurorial, kot e keni

Autori: Gazeta inFokus 13:09 | 19 August 2023

Deputeti i LDK-së, Avdullah Hoti ka kritikuar kryeministrin, Albin Kurti duke thënë se një kryeministër normal, kur përballet me situatë si ajo që ndodhi dje, kërkon nga drejtësia hetim të plotë e të shpejtë, si dhe e vendos veten dhe vartësit e tij në dispozicion të drejtësisë.

Hoti, ndërsa ka reaguar lidhur me videon e djeshme të kryeministrit Kurti ku ky i fundit sulmoi gjyqtarët, prokurorët e mediat, thotë se kjo qenka arsyeja pse kreu i qeverisë s’po e dekreton Kryeprokurorin e ri.

“Duket se kjo paska qenë arsyeja e insistimit të tij me çdo kusht, edhe pas opinionit të Komisionit të Venecias, që përmes ligjit ta kontrolloj Këshillin Prokurorial. Kjo paska qenë arsyeja pse ky nuk po i jep leje asaj ta dekretoj kryeprokurorin e ri”, ka shkruar Hoti.

-Advertisement-

Postimi i tij:

Një kryeministër normal, kur përballet me situatë si ajo që ndodhi dje, kërkon nga drejtësia hetim të plotë e të shpejtë, si dhe e vendos veten dhe vartësit e tij në dispozicion të drejtësisë.

Dyshimet rriten edhe për faktin se ky nuk i përgënjeshtron ato për të cilat ndodhën arrestimet, e ku përmendet edhe emri i tij, por i shanë mediat, opozitën dhe organet e drejtësisë.

Duket se kjo paska qenë arsyeja e insistimit të tij me çdo kusht, edhe pas opinionit të Komisionit të Venecias, që përmes ligjit ta kontrolloj Këshillin Prokurorial. Kjo paska qenë arsyeja pse ky nuk po i jep leje asaj ta dekretoj kryeprokurorin e ri.

Kot e kanë.

Subscribe në YouTube: GAZETA INFOKUSI
Etiketa:
Artmotion vjen me Super Zbritje – Mos e humb!
-Advertisement-

Të tjera

Fokusi

lajme