Auto&Tech

Audi RS3 i ri sportiv me interier luksoz

Autori: Gazeta inFokus 13:40 | 27 December 2017

Audi RS3 i ri është një veturë vërtetë sportive dhe tani, falë kompanisë gjermane e cila merret me stilizimin e interierëve të veturave – Neidfaktor, është bërë një veturë në listën e dëshirave të fundvitit nga secili.

Kur është fjala për interier, gjithsesi Audi është njëri nga liderët në segmentin e veturave premium por kjo s’do të thotë se nuk mund të bëhet edhe më i mirë, transmeton Koha.net. Fakti më i mirë për këtë aspekt është ky RS3.

Në mënyrë që të duket sa më tërheqës dhe elegant interieri i këtij Audi RS3, kompania gjermane Neidfaktor instrument-tabelën e ka “veshur” me lëkur Alcantara dhe e ka zbukuruar atë me qepje dhe detaje me ngjyrë të kuqe, madje edhe në vrimat për ajër. Po ashtu, edhe timoni është dizajnuar në të njëjtën mënyrë.

-Advertisement-

Edhe pse ndryshimet janë relativisht të vogla, ato gjithsesi lejnë një përshtypje të fort në interier duke e bërë këtë Sedan me performancë të lartë edhe më luksoz.

Audi RS3 është prezantuar në shtator të vitit të kaluar dhe ka motor 2.5-litër TFSI me pesë cilindra e kapacitet prej 394 kuajfuqi. Falë këtij motor, ky RS3 shpejtësinë nga 0 deri në 100 kilometra në orë e arrin për 3,9 sekonda dhe atë maksimale e ka të kufizuar deri në 250 km/h.